တာချီလိတ်တွင် တရားမဝင် တရုတ်နိုင်ငံသား ၁၈၈ ဦးနှင့် လက်နက်ခဲယမ်းများ ဖမ်းမိ

0

ထိုင်း မြန်မာ နယ်စပ် တာချီလိတ်မြို့တွင် တရားမဝင် ခိုးဝင်လာရောက်နေထိုင်သည့် တရုတ်နိုင်ငံသား ၁၈၈ ဦး နှင့် အတူ လက်နက်ခဲယမ်းများ ဖမ်းဆီးရမိ သည် ဟု သတင်းရရှိသည်။

Photo by * ဇင်ယော် * တာချီလိတ်- တာချီလိတ်တွင် တရားမဝင် တရုတ်နိုင်ငံသား ၁၈၈ ဦးနှင့် လက်နက်ခဲယမ်းများ Online Game နှင့်ဆက်စပ်ပစ္စည်းများ ဖမ်းဆီးရမိ

မေလ ၁၃ ရက် မနက် ၁၀ နာရီခွဲက တာချီလိတ်မြို့ ရန်အောင်မြေ ရပ်ကွက်နှင့် ဝိန်းကျောက် ရပ်ကွက်ရှိ နေရာ ၃ ခုတွင် ဌာနဆိုင်ရာ ပူးပေါင်းအဖွဲ့ မှ ဝင်ရောက်ရှာဖွေရာ တရားမဝင် ခိုးဝင် ၀င်ရောက်နေထိုင်သည့် တရုတ် နိုင်ငံ သား ၁၈၈ ဦး၊ မြန်မာနို်င်ငံသား ၁၀ ဦး နှင့် အတူ ကွန်ပြူတာ လက်တော့ပ် ၁၆ လုံး၊ လက်ကိုင်ဖုန်း ၅၄၈ လုံး၊ မော်တော်ယာဉ် ၆ စီး၊ မော်တော်ဆိုင်ကယ် ၄ စီး သေနတ် ၃လက်၊ ကျည်ဘောက် ၁၁ ခု ၊ ကျည်ဆန် ၃၂၅ တောင့် အတူ မူးယစ်ဆေးဝါးများပါ ဖမ်းဆီးရမိကြောင်း သိရသည်။

Photo by * ဇင်ယော် * တာချီလိတ်- တာချီလိတ်တွင် တရားမဝင် တရုတ်နိုင်ငံသား ၁၈၈ ဦးနှင့် လက်နက်ခဲယမ်းများ Online Game နှင့်ဆက်စပ်ပစ္စည်းများ ဖမ်းဆီးရမိ

ဖမ်းဆီးခံရသည့် တရုတ်နိုင်ငံခြားသားများသည်အွန်လိုင်း လောင်းကစား ပြုလုပ်သည့် ပစ္စည်းများနှင့် ဆက်စပ်မှု ရှိသည်ဟုလည်း အာဏာပိုင်များနှင့်နီးစပ်သည့်အသိုင်းအဝိုင်းမှ ပြောပြချက်အရသိရသည်။

အဆိုပါ ဖမ်းဆီးခံရသည့် တရားမဝင် နေထိုင်သည့် တရုတ်နိုင်ငံသားများ ကို တာချီလိတ်ရဲစခန်းမှ စစ်ဆေးလျက်ရှိသည်ဟု တာချီလိတ်ရဲတဦးကပြောသည်။

Photo by * ဇင်ယော် * တာချီလိတ်- တာချီလိတ်တွင် တရားမဝင် တရုတ်နိုင်ငံသား ၁၈၈ ဦးနှင့် လက်နက်ခဲယမ်းများ Online Game နှင့်ဆက်စပ်ပစ္စည်းများ ဖမ်းဆီးရမိ

“ ဒီမြို့မှာ လူမျိုးစုံတယ်။ ဘယ်သူက ဘယ်သူဆိုတာ မသိသလို။ တရားဝင် မဝင်ဆိုတာလည်း အရင်က စစ်ဆေးတာမရှိဘူး။ ဒီ လူ တရာကျော် မြန်မာပြည်ထဲ လာနေတာ ဘယ်သူခွင့်ပြုချက်လဲဆိုတာ သေချာ စိစစ်သင့်တယ်” ဟု တာချီလိတ်မြို့ခံ အသက် ၄၀ကျော် အမျိုးသားတဦးက ပြောသည်။

တရုတ်နိုင်ငံသား တရာကျော် မြန်မာပြည်တွင်းသို့ တရားမဝင် နေထိုင်သည့် အပေါ် မည်သည့် အဖွဲ့ မှ ခွင့်ပြုသည်ကို သေချာ စိစစ်သင့် ကြောင်း နှင့် တာချီလိတ်မြို့ပေါ်တွင် ဖွင့်လှစ်သည့် လောင်းကစားရုံကိုလည်း သက်ဆိုင်ရာက အရေးယူသင့်သည် ဟု တာချီလိတ် ဒေသခံများက ဆိုကြသည်။

တာချီလိတ်သည် ထိုင်းနိုင်ငံ နယ်စပ်ဒေသမြို့ ဖြစ်ပြီး မူးယစ်ဆေးဝါး လောင်းကစား ရုံများ အများအပြားရှိပါသည်။ ဒေသအသီးသီးမှ လာရောက်နေထိုင်အလုပ်လုပ်နေသူပိုမိုများပြား နေသကဲ့သို့ သုံးနိုင်ငံထိစပ်ရာရွှေတြိဂံဒေသနှင့်လည်း နီးသဖြင့် မှုခင်း၊ ဒုစရိုက်မကြာခဏဖြစ်ပွါး ခဲ့သည့်နေရာလည်းဖြစ်ကြောင်း တာချီလိတ်မြို့ခံများကပြောဆိုနေကြပါသည်။

ဢုပ်ႇဢူဝ်း ၽူႈတွႆႇႁွၵ်ႈ

SHARE