သီပေါမြို့နယ် နမ့်မချောင်းတွင်ဆည်ဆောက်မည့်စီမံကိန်းအလိုမရှိကြောင်း Tai Youth Power United လူငယ်အဖွဲ့ပြော 

0

သျှမ်းလူငယ် ၅၀ ကျော်စုပေါင်းပြီး သီပေါမြို့နယ် နမ့်မ ချောင်းပေါ် ဆည်ဆောက်မည့်ကိစ္စအား ဆန့်ကျင်ကန့်ကွက်ကြောင်းသိရသည်။

Photo by Sai Harn-သီပေါမှ Tai Youth Power United လူငယ်များ

မတ်လ ၂၁ ရက်နေ့က သီပေါမှ Tai Youth Power United လူငယ် ၅၀ ကျော်မှာ နမ့်မချောင်းတလျှောက် သဘာဝပတ်ဝန်းကျင်လေ့လာရေးခရီးထွက်ရင်း နမ့်မ ပေါ်တည်ဆောက်မည့် ဆည်စီမံကိန်းများမှာလူထုအတွက်အကျိုးမရှိဟုဆိုကာ နားဖဲမ်းရွာအနီး နမ့်မကမ်းနံဘေးတွင် စာရွက်များကိုင်ဆောင်ကာ ဆန့်ကျင်ကန့်ကွက် ဆန္ဒထုတ်ဖော်ခဲ့ကြခြင်းဖြစ်ကြောင်းသိရသည်။

လူငယ်အဖွဲ့ခေါင်းဆောင် စိုင်းသိန်းမြင့် က- လူငယ်တွေ သဘာဝပတ်ဝန်းကျင် မြတ်နိုးတတ်ဖို့ ထိန်းသိမ်းတန်ဖိုးထားတတ်ဖို့ရည်ရွယ်ပြီး နမ့်မ ချောင်းတလျှောက် လေ့လာရေးခရီးထွက်တယ်။ နမ့်မ ချောင်းပေါ်မှာ ကုမ္မဏီတခုကနေ ဆည်ဆောက်ဖို့ ရှိတယ်လို့ကြားရတဲ့အတွက် ဒီ လေ့လာရေးလူငယ်အဖွဲ့က ဒီဆည်တွေကိုမလိုချင်ဘူးဆိုပြီး ဆည်အလိုမရှိကြောင်း စာရွက်ပေါ်မှာ သျှမ်းဘာသာစာနဲ့ ရေးသားပြီး နမ့်မ ချောင်းဘေး မှာ ဆန္ဒထုတ်ဖော်ခဲ့ကြတာဖြစ်ပါတယ် – ဟု သျှမ်းသံတော်ဆင့်အားပြောပြသည်။

Photo by Sai Harn-သီပေါမှ Tai Youth Power United လူငယ်များ

လူငယ်များ ကိုင်ဆောင်ထားသော စာရွက်ပေါ်တွင် – နမ့်မချောင်းသည် ကျနော်တို့၏အသက်သွေးကြော။ နမ့်မ ချောင်းပေါ်ဆည်ဆောက်ခြင်းအလိုမရှိ – ဟုရေးသားထားကြောင်းသိရသည်။

မည်သည့်ကုမ္မဏီက မည်သည့်အချိန်တွင်စတင်တည်ဆောက်မည်ကိုတော့ အသေအချာမသိရသေးကြောင်းလူငယ်အဖွဲ့ကပြောသည်။

လက်ရှိတွင်လည်း နမ့်မရွာအနီးတွင် ကျောက်မီးသွေးတူးဖော်နေသည့်စီမံကိန်းရှိနေပြီး ဒေသခံလူထုမှ ဆန့်ကျင်ကန့်ကွက်သော်လည်း အောင်မြင်မှုမရခဲ့ဟုလည်း သိရပါသည်။

ဢုပ်ႇဢူဝ်း ၽူႈတွႆႇႁွၵ်ႈ

SHARE