မြန်မာနိုင်ငံအပါအဝင် နိုင်ငံပေါင်း ၂၃ နိုင်ငံကို အမေရိကန်ကွန်ဂရက်သို့ တင်သွင်းသည့် အဓိက မူးယစ်ဆေးဝါး ဖြတ်သန်းမှု (သို့မဟုတ်) အဓိက တရားမဝင် မူးယစ်ဆေးဝါးထုတ်လုပ်သော နိုင်ငံများအဖြစ် စက်တင်ဘာလ ၁၅ ရက်က အမေရိကန်သမ္မတဒေါ်နယ်ထရမ့်က စာရင်းသွင်း သတ်မှတ်ခဲ့ကြောင်း သိရသည်။

ထိုနိုင်ငံပေါင်း ၂၃ နိုင်ငံထဲတွင် မြန်မာ၊ လာအို၊ တရုတ်၊ အိန္ဒိယ၊ ပါကစ္စတန်၊ အာဖဂန်နစ္စတန်၊ ဘဟားမား၊ ဘီလစ်ဇ်၊ ဘိုလီးဗီးယား၊ ကိုလံဘီယာ၊ ကော်စတာရီကာ၊ ဒိုမီနီကန်၊ အီကွေဒေါ၊ အယ်လ်ဆာဗေးဒေါ၊ ဂွာတီမာလာ၊ ဟေတီ၊ ဟွန်ဒူးရပ်စ်၊ ဂျမကော၊ မက္ကဆီကို၊ နီကာရောဂွာ၊ ပနားမား၊ ပီရူးနှင့် ဗင်နီဇွဲလားတို့ ပါဝင်သည်။

ထို့ပြင် မြန်မာ၊ အာဖဂန်နစ္စတန်၊ ဘိုလီးဗီးယား၊ ကိုလံဘီယာနှင့် ဗင်နီဇွဲလား စသည့် နိုင်ငံ ၅ နိုင်ငံသည် လွန်ခဲ့သော ၁၂ လအတွင်း နိုင်ငံတကာ မူးယစ်ဆေးဝါး တိုက်ဖျက်နှိမ်နင်းရေးတာဝန်များကို ပျက်ကွက်ခဲ့ကြောင်း အမေရိကန်သမ္မတဒေါ်နယ်ထရမ့်က ပြောသည်။