သျှမ်းပြည် တောင်ပိုင် ဟဲဟိုး မြို့အဝင်နားတွင် ဆီဘောက်ဆာကားကြီးတစ်စီးသည် လမ်းဘေးရှိ ဓါတ်တိုင် အား ဝင်ရောက်တိုက်မိခဲ့ပြီး ယာဉ်မောင်းပွဲချင်းပြီးသေဆုံးသွားကြောင်း သတင်းသိရသည်။
ယမန်နေ့ (စက်တင်ဘာလ ၃၀) ရက် ည ၉ နာရီဝန်းကျင် အချိန်တွင် အောင်ပန်းဘက်မှ ဟဲဟိုးမြို့သို့ မောင်းနှင်လာသော ဆီဘောက်ဆာကားကြီးသည် လမ်းဘေးဓါတ်တိုင်ကို ဝင်တိုက်မိပြီး 66KV ဓါတ်အား လိုင်း ခေတ္တပြတ်တောက်သွားခဲ့ရခြင်းဖြစ်ကြောင်းသိရသည်။
“ယာဉ်မောင်းက မူးပြီးမောင်းတာလားတော့မသိဘူး၊ ဒီဘက်နားမှာ အကွေ့တော့ရှိတယ်၊ ဖြစ်လေ့ဖြစ်ထ တော့မရှိပါဘူး၊ ယာဉ်မောင်းက ပွဲချင်းပြီး သေဆုံးရတယ်၊ ကျနော်တို့ဖက်က မြို့တွင်းပိုင်းဆိုတော့ မီးက ခေတ္တပျက်သွားတာပါ၊ ကျန်တဲ့ မြို့တွေတော့ မသိသေးဘူး၊ မီးပျက်မယ်ဆိုပြီးတော့ ကြေညာထားတယ် လို့လဲ ကြားမိတယ်” ဟု ဟဲဟိုးမြို့နေ ပြည်သူတစ်ဦးက သျှမ်းသံတော်ဆင့်ကို ပြောသည်။
ယာဉ်ပေါ်ပါ ယာဉ်မောင်းသည် အခင်းဖြစ်နေရာတွင် သေဆုံးခဲ့ပြီး အေးသာယာ ၊ အောင်သပြေ ၊ ညောင်ရွှေ ၊ ရပ်စောက် နှင့် ဟဲဟိုး စသည့်မြို့များတွင် ဓါတ်အားလိုင်း ပြတ်တောက်မည်ဖြစ်ကြောင်းလည်း သက်ဆိုင် မြို့နယ်များမှ လျှပ်စစ်ဌာနများက ထုတ်ပြန်ထားကြောင်း သတင်းသိရသည်။
Leave a Comments