သျှမ်းပြည်နယ် အမျိုးသားလွှတ်တော် အမှတ်(၁) မဲစာရွက် (၄၀၀)ကျော် ပျောက်ဆုံးနေကြောင်း စုံစမ်းသိရသည်။
အဆိုပါပျောက်ဆုံးနေသည့် မဲစာရွက် (၄၀၀)သည် သျှမ်းပြည်မြောက်ပိုင်း ကျောက်မဲမြို့ နှင့် နောက်ချို့ မြို့နယ် အတွင်းရှိ မဲစာရွက်များဖြစ်ကြောင်းသိရသည်။
“ခုလောလောဆယ်မှာတော့ နောင်ချိုဘက်မှာ မဲအရေအတွက် (၄၀၀) ကျော် ပျောက်ဆုံးနေတယ်။မြို့တော့ အားလုံး စုံနေတယ်။ ကျနော်တို့ဘက်က NLD ကို ၉၄ မဲပဲ ရှုံးတာမဖြစ်နိုင်ဘူး။ သီပေါမှာ ကျနော်တို့ ၅ သောင်းကျော်နိုင် ထားတယ်။ ဒါကြောင့် ခု ကျနော်တို့ အသေးစိတ်တွေကို ပြန်လိုက်နေတယ်” ဟု သျှမ်းပြည်အမျိုးသားအမှတ်(၁) အမျိုးသားလွှတ်တော် စိုင်းထွန်းမြဆွယ်ဟိန်း က ပြောသည်။
ယနေ့ နိုဝင်ဘာ ၁၀ ရက် နေ့လည် ၂ နာရီမှာ မဲအရေအတွက် ရာချီ ပျောက်ဆုံးနေသဖြင့် ပြန်လည် စိစစ်နေကြောင်း စိုင်းမြထွန်းဆွယ်ဟိန်း က ပြောသည်။
စိုင်းမြထွန်းဆွယ်ဟိန်း ဝင်ရောက်ယှဉ်ပြိုင်သည့် မဲဆန္ဒနယ် အမှတ်(၁) အမျိုးသား လွှတ်တော်နေရာသည် ကျောက်မဲ နှင့် မိုးမိတ်ခရိုင်ဖြစ်ပြီး မြို့နယ် အနေဖြင့် သီပေါ၊ ကျောက်မဲ၊ နမ္မတူ၊နောင်ချို၊ မိုးမိတ် နှင့် မန်ပိန်း မြို့နယ် တို့ ပါဝင်သည်။
ထို့ကြောင့် ယခုချိန်ထိ မဲစာရင်း ပြန်လည်စစ်ဆေးနေသဖြင့် အနိုင်၊အရှုံးကိုမသိရှိရသေးပေ။
Leave a Comments