ထိုင်း – မြန်မာ နယ်စပ်ရှိ တာချီလိတ်မြို့နယ် တံတားအမှတ် (၂) တွင် ထိုင်းနိုင်ငံမှ အချုပ်ကျခံနေရသူ မြန်မာနိုင်ငံသားများအား မြန်မာနိုင်ငံသို့ ပြန်လည် လွဲပြောင်းပေးမည် ဖြစ်ကြောင်း သိရသည်။

ဧပြီ ၆ ရက်နေ့တွင် ထိုင်းအချုပ်ကျခံနေရသူ စုစုပေါင်း ၃၆ ဦး အား မြန်မာအာဏာပိုင်ထံသို့လွှဲပြောင်းပေးမည်ဖြစ်ရာ သျှမ်း ပြည်အရှေ့ပိုင်းမှ ၂၈ ဦး နှင့် သျှမ်းပြည်တောင်ပိုင်းမှ ၈ ဦးဖြစ်ကြောင်း သိရသည်။

“အများစုက တာချီလိတ်မြို့နယ်က ဖြစ်ပြီး စုစုပေါင်း ၂၈ ဦး ရှိတယ်လို့ သိရပါတယ်။ အချုပ်သားများဖြစ်လို့ အချုပ်တွင်းမှာ Q ဝင်ခဲ့တယ်လို့ သိရပါတယ်။” သျှမ်းပြည်နယ် အစိုးရ ပြောခွင့်ရ ပုဂ္ဂိုလ် စီမံကိန်း နှင့် ဘဏ္ဍရေးဝန်ကြီး ဦးစိုးညွန့်လွင် ကပြောသည်။

ဧပြီလ ၆ ရက် နံနက် ရ နာရီတွင် မြန်မာဘက်မှ လက်ခံမည်ဖြစ်ပြီး အဆိုပါလွှတ်မြောက်အချုပ်သားများသည် မိမိဒေသသို့ပြန်ရောက်လျှင်လည်း Home Quarantine နှင့် Facility Quarantine အသီးသီးပြန်ဝင်ရမည် ဖြစ်ကြောင်း သိရသည်။