မြန်မာ့တပ်မတော် မှ တတိယကြိမ်မြောက် တိုင်းစစ်ဌာနချုပ် ၅ တိုင်းကို ပစ်ခတ်ရပ်စဲရေး ၂ လ ထပ်မံတိုးမြင့် ရပ်ဆိုင်းလိုက်ကြောင်း တပ်မတော်ကာကွယ်ရေး ဦးစီးချုပ်ရုံးမှ ဇွန် ၃၀ ရက်စွဲဖြင့် ထုတ်ပြန်ကြေညာလိုက်သည်။
အဆိုပါ တိုင်းစစ်ဌာနချုပ် (၅) တိုင်းမှာ မြောက်ပိုင်းတိုင်း စစ်ဌာနချုပ် နယ်မြေ၊ အရှေ့မြောက် တိုင်း စစ်ဌာနချုပ်နယ်မြေ အရှေ့ပိုင်း တိုင်းစစ်ဌာနချုပ်နယ်မြေ၊ အရှေ့ အလယ်ပိုင်း စစ်ဌာနချုပ် နယ်မြေ နှင့် တြိဂံဒေသ တိုင်းစစ်ဌာနချုပ်နယ်မြေ တို့ ဖြစ်ကြောင်း ထုတ်ပြန်ချက်တွင် ဖော်ပြထားသည်။
ထို တိုင်းစစ်ဌာနချုပ်(၅) တိုင်း စစ်ရေး ဆိုင်ရာ လှုပ်ရှားမှု အားလုံးကို ပထမအကြိမ် အဖြစ် ၂၀၁၈ ဒီဇင်ဘာ ၂၁ ရက်မှ ၂၀၁၉ ဧပြီ ၃၀ ရက်နေ့ထိ လည်းကောင်း ၊ ဒုတိယ အကြိမ်ကို ၂၀၁၉ မေလ ၁ ရက်နေ့မှ ဇွန်လ ၃၀ ရက်နေ့အထိ လည်းကောင်း ရပ်ဆိုင်းခဲ့သည်။
ဇူလိုင်လ ၁ ရက်နေ့မှ သြဂုတ်လ ၃၁ ရက်နေ့အထိ စစ်ရေးလှုပ်ရှားမှု ရပ်ဆိုင်းခြင်းမှာ တတိယအကြိမ်မြောက် တိုးမြှင့် ရပ်ဆိုင်း ခြင်းဖြစ်သည်။
စစ်ရေး ဆိုင်ရာ လှုပ်ရှားမှုများ အား ရပ်ဆိုင်း ပေးထားသည့် ကာလ အတွင်း ငြိမ်းချမ်းရေး လုပ်ငန်းစဉ် များ စဉ်ဆက် မပြတ်ဆွေးနွေးဆောင်ရွက်နိုင်ခဲ့ကြောင်း၊ တပ်မတော် အနေဖြင့် ဒေသခံ တိုင်းရင်းသား ပြည်သူများ၏ ငြိမ်းချမ်းရေး အပေါ် မျှော်လင့်ချက်၊ ငြိမ်းချမ်းရေး လုပ်ငန်းစဉ် များတွင် ပါဝင်ပတ်သက်နေသည့် အဖွဲ့့အစည်း အားလုံး ငြိမ်းချမ်းရေး လုပ်ငန်းစဉ်များ အား ယုံကြည်မှု အပြည့်ဖြင့် စစ်ရေး ဆိုင်ရာ လှုပ်ရှားမှု များ တိုးမြှင့် ရပ်ဆိုင်းလိုက်ခြင်းဖြစ်သည် ဟု လည်း တပ်မတော် ကာကွယ်ရေး ဦးစီးချုပ် ရုံး ထုတ်ပြန်ချက်တွင် ထည့်သွင်းရေးသားထားသည်။
Leave a Comments