တတိယအကြိမ်မြောက် ကချင်ပြည်နယ်လုံးဆိုင်ရာ ရှမ်းလူငယ်တွေ့ဆုံပွဲတွင် ကချင်ပြည်နယ် မြစ်ကြီးနားမြို့ရှိ သျှမ်းမျိုးနွယ်စု ဓမ္မာရုံတွင် ကျင်းပပြုသည်။
အဆိုပါ တွေ့ဆုံဆွေးနွေးပွဲတွင် နေရာအသီးသီးမှ သျှမ်းစာပေသင်ဆရာ ဆရာမ ချိတ်ဆက်နိုင်ပြီး သျှမ်းစာပေ ပိုမိုတိုးတက်အောင် လုပ်ဆောင်နိုင်ရန် ရှမ်းလူငယ်တွေ့ဆုံပွဲ Tai Youth Forum မှ ထွက်ရှိလာသော သဘောတူညီချက်များမှ သျှမ်းလူငယ်ဖွံ့ဖြိုးရေးစင်တာ နေရာရအောင် တို့ဖြစ် ကြောင်း သိရသည်။
“ မြို့နယ်အသီးသီးရှိ သျှမ်းလူငယ်တွေ အတွက် အမျိုးသားရေး၊ နိုင်ငံရေး ခေါင်းဆောင်မှု အရည် အချင်း လက်ရှိဖြစ်ပျက်နေတဲ့ ငြိမ်းချမ်းရေးဖြစ်တွေအတွက် တွေ့ဆုံနှီးနှောဖလှယ်ရခြင်းဖြစ်တယ် ” ဟု မြန်မာနိုင်ငံလုံးဆိုင်ရာ သျှမ်းလူငယ်ကွန်ယက် ဗဟို အလုပ်မှုဆောင် စိုင်းအိုက်ပီး ကပြောသည်။
ကချင်ပြည်နယ်တွင် နေထိုင်သည့် သျှမ်းတိုင်းရင်းသား ၅ မျိုးရှိပြီး ဒေသအသီးသီးရှိ မတူညီသော ဘာသာစကားကွဲပြားခြားမှု ရှိကြောင်း သိရသည်။
“ကချင်ပြည်နယ်ဒေသတွင်းမှာရှိတဲ့ ဒေသတွင်း သျှမ်းလူငယ်တွေ လာရောက်ပီးတော့ ရင်းနှီးမှုရှိ အောင် ခင်မင်မှုရှိအောင် ဒေသတစ်ခုနဲ့ တစ်ခု ယုံကြည်မှုရှိအောင် အဓိက ရည်ရွယ်တာပေါ့နော် ။ မတူကွဲပြားတဲ့ဟာက ခနပြောသလိုပေါ့။ ကချင်ပြည်နယ်က တိုင်းရင်းသားတွေ အများကြီးနေထိုင်ပါတယ်။ ပီးခဲ့တဲ့ နဝတ ခေတ်အစိုးရတုန်းက သတ်မှတ်ပေးထားတဲ့ သျှမ်း ၅ မျိုး ဆိုတာ သတ်မှတ်တယ်။ ဒါမယ့် ကျနော်တို့ လူငယ်တွေကတော့ သျှမ်းဆိုတဲ့ ဝေါဟာရတစ်ခုမှာပဲ ALL in One Tai ဆိုတာကို အဲ့လိုပဲ စဉ်းစားထားတယ်” ဟု ကချင်ပြည်နယ်ရှိ TYN အလုပ်အမှုဆောင် စိုင်းဖ ကပြောသည်။
ကချင်ပြည်နယ်လုံးဆိုင်ရာ သျှမ်းလူငယ်တွေ့ဆုံပွဲတွင် မေလ ၂၃ ရက်နေ့မှ ၂၅ ရက်နေ့ထိ ၃ ရက်သာ ကျင်းပသွားမည်ဖြစ်သည်။
တွေ့ဆုံပွဲတွင် ကချင်ပြည်နယ်အစိုးရအဖွဲ့ဝင် သျှမ်းတိုင်းရင်းသားရေးရာ ဝန်ကြီး ၊ UPDJC အတွင်းရေးမှူး စိုင်းကျော်ညွန့် ၊ ပြည်သူ့လွှတ်တော် နန်းခမ်းအေး အမျိုးသားလွှတ်တော် စိုင်ဝမ်းလျန်းခမ်း နှင့် လွှတ်တော်အမတ်များအပါအဝင် ကချင်လူငယ် များ စုစုပေါင်း ၂၀၀ ကျော် တက်ရောက်ကြောင်း သိရသည်။
