ယနေ့ကျင်းပသည့် ဒုတိယအကြိမ်ပြည်ထောင်စုလွှတ်တော်၊ (၁၁)ကြိမ်မြောက်ပုံမှန်အစည်းအဝေး၊ ဆဌမနေ့ ပြည်ထောင်စုလွှတ်တော်အစည်းအဝေးတွင် ၂၀၀၈ ဖွဲ့စည်းပုံအခြေခံဥပဒေပြင်ဆင်ရေး ကော်မတီဖွဲ့စည်းရန် မဲခွဲဆုံးဖြတ် ရာထောက်ခံမဲ ၄၁၄ မဲဖြင့်အနိုင်ရရှိခဲ့သည်။

လွှတ်တော်အစည်းအဝေးစတင်ပြီးမကြာခင် မဲခွဲဆုံးဖြတ်ရာ ဆန္ဒမဲပေးခွင့်ရှိသူ ၆၂၁ ဦးရှိရာ ထောက်ခံမဲ ၄၁၄ မဲ၊ ကန့်ကွက်မဲ ၁၉၁ မဲ၊ ကြားနေမဲ ၆ မဲစုစုပေါင်း ဆန္ဒမဲ ၆၁၁ မဲပေးခဲ့ကြသဖြင့် ပြည်ထောင်စု လွှတ်တော် နာယကကြီးက – ထောက်ခံဆန္ဒမဲများသဖြင့် ဦးအောင်ကြည်၏ အရေးကြီးအဆိုအားလွှတ်တော်က အတည်ပြုကြောင်း- ကြေငြာခဲ့ သည်။

ထို့အတွက် ဖွဲ့စည်းပုံအခြေခံဥပဒေ ၂၀၀၈ ပြင်ဆင်ရေးပူးပေါင်းကော်မတီတရပ်ကို ပြည်သူ့လွှတ်တော်နှင့် အမျိုးသားလွှတ်တော်တို့မှကိုယ်စားလှယ်ဦးရေ တူညီမျှတစွာ သင့်လျော်သောအရေအတွက်ဖြင့် ဖွဲ့စည်း သွားမည်ဖြစ်ပြီး ပြည်ထောင်စုလွှတ်တော် ဒုတိယနာယက အား ဥက္ကဌအဖြစ်တာဝန်ပေး သွားမည်ဖြစ်ကြောင်း လွှတ်တော်နာယကက ကြေငြာသည်။

မကွေးတိုင်းဒေသကြီး မဲဆန္ဒနယ်အမှတ်(၄)က အမျိုးသားလွှတ်တော်ကိုယ်စားလှယ် ဦးအောင်ကြည်ညွန့် က – တင်သွင်းတဲ့ ဖွဲ့စည်းပုံအခြေခံဥပဒေ ပြင်ဆင်ရေး ဆောလျင်စွာ ဆောင်ရွက်နိုင်ဖို့ သင့်တော်တဲ့ လွှတ်တော်ကိုယ် စားလှယ်တွေပါဝင်တဲ့ ပူးပေါင်းကော်မတီ တစ်ရပ်ဖွဲ့စည်းဖို့ – အရေးကြီးအဆို ကို ဇန်နဝါရီလ ၂၉ ရက်နေ့က တင်သွင်းရာ လွှတ်ကိုယ်စားလှယ်များက ထောက်ခံအဆိုများတင်သွင်းခဲ့ပြီး ကြံ့ခိုင်ရေးနှင့်ဖွံ့ဖြိုးရေးပါတီ ကိုယ်စား လှယ်များက ကန့်ကွက်ခဲ့ကြသည်။

ပြည်ထောင်စုလွှတ်တော်ကိုယ်စားလှယ် ၆၅၇ ရှိသည့်အနက် ယနေ့အစည်းအဝေးတွင် ၃၅ ဦး ခွင့်ယူခဲ့ရာ လွှတ်တော်တက်ရောက်သူ စုစုပေါင်း ၆၂၁ ဦးရှိခဲ့သည်။