ပြည်နယ်အဆင့် ကျောင်းပေါင်းစုံ ကွန်ပျူတာစွမ်းရည်ပြိုင်ပွဲတွင် သျှမ်း ခေတ်ပေါ်တေးသီချင်းအဆိုတော် စိုင်းဆိုင်ဇွမ်ဖှ၏သား ICTC ကျောင်းသား စိုင်းဆိုင်လောဝ်ဖှ အသက် ၁၂ နှစ်သည် အလယ်တန်းအဆင့် ကွန်ပြူတာ ထူးချွန်ဆုတတိယ ဆွတ်ခူးရရှိခဲ့ကြောင်းသိရသည်။
ဇန်နဝါရီလ ၃ ရက်နေ့က လားရှိုးမြို့တွင်ကျင်းပသော ဆုချီးမြှင့်ခြင်းအခမ်းအနားတွင်တက်ရောက်ကာ ဆုဆွတ်ခူးခဲ့ခြင်းဖြစ်ကြောင်း သိရသည်။
“သူဆုရရှိမယ်လို့ ကျနော်မထင်မိဘူး။ အခုလိုရရှိတဲ့အတွက်လည်း ၀မ်းသာဂုဏ်ယူပါတယ်။ ကလေးတွေ အနာဂတ်အတွက် ပညာရေးကိုဆက်လက်ကြိုးစားသွားဖို့ တွန်းအားပေး ကူညီထောက်ပ့ံသွားပါမယ် ”- ဟု သျှမ်းသံတော်ဆင့်အား ပြောသည်။
စိုင်းဆိုင်လောဝ်ဖှသည် သျှမ်းခေတ်ပေါ်တေးအဆိုတော် စိုင်းဆိုင်ဇွမ်ဖှနှင့် နန်းအေမွန် တို့၏ သား ၃ ဦးအနက်အထွေးဆုံးဖြစ်ပါသည်။
ကွန်ပြူတာပိုင်းဆိုင်ရာပညာရပ်တွင်ထူးချွန်သည့်အပြင် ဖခင်ဖြစ်သူနှင့်အတူ တေးသီချင်းသီဆိုခြင်း၊ ပီယံနိုတီးခတ်ခြင်းနှင့် ဂစ်တာတီးခြင်းတို့တွင်အထူး စိတ်ဝင်စားတီးခတ်တတ်မြောက် ခဲ့ပြီးလက်ရှိတွင် International Child Trainin Center တွင် ဆဌမတန်းတက်ရောက်သင်ကြားနေ ကြောင်းသိရသည်။
Leave a Comments