ထိုင်းအစိုးရသည် တရုတ်နိုင်ငံမှ တင်သွင်းလာသည့် ဟော့တော့ အနီ ( Hot Dog) ဟာ ကျန်းမာရေး နဲ့ ညီညွတ်မှု မရှိဘူးလို့ ထုတ်ပြန်ထားပါတယ်။
မနေ့ ဇူလိုင် (၁၆) ရက်က ထိုင်းသတင်းမီဒီယာတွေ ရေးသားချက်အရ တရုတ်နိုင်ငံထုတ် ဟော့တော့ ဟာ ကူးစက်နိုင်တဲ့ ဘတ်ထရီးယားပိုးတွေ ရှိပြီး ထိုင်းနိုင်ငံရဲ့ ကျန်းမာရေး ထောက်ခံချက်လဲ မရှိထားတဲ့ အတွက် ရောင်းဝယ်သူ တွေ့ရှိပါက အကြောင်းကြားပေးရန်လည်း အာဏာပိုင်တွေက တိုက်တွန်းထားပါတယ်။
တရုတ်နိုင်ငံထုတ် ဟော့တော့ဟာ တရုတ် အစားအစာတွေဖြစ်တဲ့ မာလာရှမ်းကောတွေ၊ မာလာဟင်းတွေအပြင် အကင်ဆိုင်တွေမှာလည်း စျေးကွက်တွင်း ဖောက်တွင်းထားတာကို တွေ့ရပါတယ်။
ဒီ ဟော့တော့ ဟာ မြန်မာနိုင်ငံမှာလည်း အလွန်လူကြိုက်များတဲ့ အစားတခုဖြစ်သလို ထိုင်းနိုင်ငံမှာလည်း စားသုံးသူများတဲ့ အစားအစာ တခုပါ။ ထိုင်းအာဏာပိုင်တွေကတော့ ဒီဟော့တော့ ရောင်းတဲ့ဆိုင်တွေ တွေ့ရှိရင် အကြောင်းကြားဖို့လည်း တိုက်တွန်းထားပါတယ်။
ထိုင်းနိုင်ငံတွင်း တရားမဝင် သယ်ဆောင်လာတဲ့ စားသောက်ကုန်ပစ္စည်း တွေကို ထိုင်းဥပဒေအရ ထောင်ဒဏ် (၂) နှစ် နဲ့ ငွေဒဏ် ဘတ် (၂) သိန်းထိ ချမှတ်နိုင်ကြောင်း သိရပါတယ်။
Leave a Comments