သျှမ်းပြည်မြောက်ပိုင်း နမ့်လန်မြို့နယ် အနီးတွင် တောင်ယာလုပ်နေသော အမျိုးသား (၁) ဦး မိုးကြိုးထိမှန် သေဆုံးသွားခဲ့ကြောင်း စုံစမ်းသိရှိရသည်။
ယမန်နေ့ မေ (၂၄) ရက် ည (၄) နာရီကျော်အချိန်တွင် (၁၉) နှစ်အရွယ်ရှိ လူငယ်နှစ်ဦး တောင်ယာ လုပ်နေစဉ် မိုးကြိုးထိမှန်ပြီး ဆေးရုံပို့ဆောင်စဉ်အတွင်းတဦးသေဆုံးကာ တဦး ဆေးဆက်လက်ကုသနေကြောင်း သတင်းရရှိသည်။
“ကျနော်တို့ ဆေးရုံသွားမယ့် လမ်းပေါ်မှာပဲ ကားပေါ်ဆုံးသွားတယ်။ ဒီနေ့ သဂြိုလ်မယ်လို့ပြောတယ်။” ဟု ဖြူစင်နှလုံးသား လူမှုကူညီရေးအသင်း တစ်ဦး က သျှမ်းသံတော်ဆင့် ကိုပြောသည်။
အလားတူ ယမန်နေ့တွင် နမတူမြို့တွင်လည်း မိုးကြီးလေကြီး တိုက်ခတ်သဖြင့် ဒေသခံပြည်သူများ၏ နေအိမ်ခေါင်မိုးများ ပွင့်ထွက်သွားခြင်းများရှိပြီး သက်ဆိုင်ရာ တာဝန်ရှိသူများက စာရင်းပြုစု စုံစမ်းနေဆဲဖြစ်ကြောင်း သိရသည်။
