လက်ရှိဖြစ်ပေါ်နေသည့် အခြေအနေများပေါ် မူတည်ပြီး ကျပ် ၅၀၀၀ တန် နှင့် ကျပ် ၁၀၀၀၀-တန် ရုပ်သိမ်းမည့်ဆိုသည့် သတင်းကောလဟာလ နှင့် ဘဏ်များ ပိတ်သိမ်းမည်ဆိုသည့် သတင်းမှားများ ထွက်ပေါ်နေမှုသည် ဟောလဟာလ ဖြစ်ကြောင်း မြန်မာနိုင်ငံတော်ဗဟိုဘဏ် က ယနေ့ (ဖေဖော်ဝါရီ ၃)ရက်စွဲဖြင့် ထုတ်ပြန်ကြေညာလိုက်သည်။

မြန်မာနိုင်ငံတော် ဗဟိုဘဏ်အနေဖြင့် ငွေရေး ကြေးရေး စနစ်တည်ငြိမ်ရေး အတွက် အလေးထားဆောင်ရွက်လျက်ရှိကြောင်း၊ဘဏ်အနေဖြင့် သတ်မှတ်ချက် အညီ ခိုင်မာစွာ ဝန်ဆောင်မှုပေးလျက်ရှိကြောင်း ထုတ်ပြန်ချက်တွင်ရေးသားထားသည်။

ထို့အပြင် ပြည်သူများအနေဖြင့် ငွေကြေး နှင့် ဘဏ် လုပ်ငန်း ဆောင်ရွက်မှုများအပေါ် စိုးရိမ်မှုများမရှိဘဲ ယုံကြည်စိတ်ချစွာဖြင့် ဆက်လက်သုံးစွဲနိုင်ရန်နှင့် ဘဏ်ဝန်ဆောင်မှုများ ပုံမှန် ဆောင်ရွက်ရန် ဘဏ်များကိုလည်း မြန်မာနိုင်ငံတော် ဗဟိုဘဏ်က ညွှန်ကြားပြီးဖြစ်ကြောင်း သိရသည်။