သျှမ်းပြည်မြောက်ပိုင်း သိန္နီမြို့နယ် မဲဆန္ဒနယ် အားလုံးတွင် ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) မှ အပြတ်အသတ် အနိုင်ရရှိသွားကြောင်း စုံစမ်းသိရှိရသည်။
သိန္နီမြို့နယ် အမျိုးသားလွှတ်တော်နေရာတွင် SNLD ပါတီမှ နန်းမွန်းစိန်၊ ပြည်သူ့လွှတ်တော်နေရာတွင် SNLD ပါတီမှ စိုင်းကျော်မိုး ၊ သိန္နီမြို့နယ် ပြည်နယ် မဲဆန္ဒနယ် အမှတ်(၁) မှ နန်းခင်ထားရီ ၊ သိန္နီမြို့နယ် ပြည်နယ် မဲဆန္ဒနယ် အမှတ်(၂) မှ ဦးပွမ်ဝမ်း တို့ အနိုင်ရရှိသွားကြောင်း သိရသည်။
“၄ နေရာ စလုံး သိန္နီမြို့နယ်အခြေအနေ အားလုံးကောင်းတယ်။ မဲရုံကိုယ်စားလှယ်ထားပြီး အကြမ်းပေါင်းထားတာ။ ကော်မရှင်တော့ အတည်မပြုသေးဘူး ” ဟု သီန္ဒီမြို့နယ် မဲဆန္ဒနယ် အမှတ်(၁) နန်းခင်ထားရီ က သျှမ်းသံတော်ဆင့် ကိုပြောသည်။
သိန္နီမြို့နယ် ရွေးကောက်ပွဲ ကော်မရှင် အတွင်းရေးမှူး ဦးမျိုးထက်အောင် မှ “လက်ရှိအခြေနေကတော့ ရလဒ်မသိရသေးပါဘူး။ စာရင်းပြုစုနေတုန်းမလို့ပါဗျ။”ဟု ပြောသည်။
ထို့ကြောင့် သိန္နီမြို့နယ်မဲဆန္ဒနယ် (၄) နေရာသည် SNLD မှ အနိုင်ရရှိသွားသော်လည်း လက်ရှိချိန်ထိ ပြည်ထောင်စု ရွေးကောက်ပွဲ ကော်မရှင် ( UEC) မှ တရားဝင် မကြေညာသေးပေ။
Leave a Comments