သျှမ်းပြည်အရှေ့ပိုင်း ကျိုင်းတုံထောင်မှ သမ္မတ လွှတ်ငြိမ်းချမ်းသာခွင့်ရရှိသည့် နိုင်ငံခြားသား ၂၇ ဦးကို သက်ဆိုင်ရာနိုင်ငံသို့ လွှဲပြောင်းခဲ့ကြောင်း စုံစမ်းသိရသည်။
ဧပြီလ ၃၀ ရက် ယမန်နေ့က ထိုင်းနိုင်ငံသား ၂၆ဦးနှင့် လာအို နိုင်ငံသား ၁ဦးကို တာချီလိတ်မြို့ရှိ ထိုင်း-မြန်မာ ချစ်ကြည်ရေး တံတားတွင် လွှဲပြောင်းပေးအပ်ခဲ့သည်။
“ ထိုင်းကို အလွှဲအပြောင်းလုပ်ပေးဖို့ ကျနော်တို့ လက်ခံပြီးတော့ မနေ့က လွဲပြောင်းပေးတာပါ” ဟု ထိုင်းရောက် မြန်မာနိုင်ငံသားများအားကူညီစောင့်ရှောက်ရေး နှင့် စေ့စပ်ညှိနှိုင်းရေး ကော်မတီ စိုင်းနွံတွီ က သျှမ်းသံတော်ဆင့် သို့ ပြောသည်။
ထို လွတ်ငြိမ်းချမ်းခွင့်ရရှိသူများသည် လက်နက်မှု၊ ဆေးဝါးမှု နှင့်လောင်းကစားမှုတို့ဖြင့် ထောင်ဒဏ်ချမှတ်ခံရသူများဖြစ်သည်။