တနှစ်တကြိမ် စည်ကားစွာကျင်းပသည့် ကျိုင်းတုံ စော်ဘွားဈေး လာရောက် လည်ပတ်မှု နည်းပါးကြောင်း ဒေသခံများ ပြောပြချက် အရသိရသည်။
ကျိုင်းတုံစော်ဘွားဈေး(သို့မဟုတ်) ဈေးဟောင်းနေ့ ကို တပေါင်းလဆုတ်ရက် “မဂဏန်း” ရက်ကောင်းကို ရွေးချယ်ကျင်းပရာ ယခုနှစ် မတ် ၁၆ ရက်နေ့တွင်ကျရောက်ခဲ့သည်။
ယခုနှစ် စော်ဘွားဈေးကို မြို့မဈေး နှင့် ယခင်ဈေးဟောင်းဖြစ်သည့် စော်ဘွားသင်္ချ ိုင်း နေရာတွင် ပြုလုပ်ခဲ့သည်။
ယခင်နှစ်များတွင် မြို့မဈေးပိတ်ကာ စော်ဘွားသင်္ချ ိုင်းရှိသည့်နေရာတွင်သာ စည်ကားသိုက်မြိုက်စွာ ကျင်းပကြသည်။
“ ဒီနှစ်တော့ ၂ နေရာ ခွဲလုပ်တယ်။ တနေရာဆိုရင် လူတွေ အရမ်းများရင် ခိုရိုနာ ဗိုင်းရပ်စ်ကြောက်ရတယ်။ ဒါပေမယ့် ဈေးလာတဲ့သူတွေကတော့ အရင်နှစ်လို မရှိဘူး။ မနက်ကဆို လာတဲ့သူ မရှိသလောက်ပါပဲ” ဟု ကျိုင်းတုံမြို့ ၏ ရပ်မိရပ်ဖ စိုင်းဆမ် က သျှမ်းသံတော်ဆင့် သို့ပြောသည်။
ိုခိုရိုနာဗိုင်းရပ် ကြောင့် ဈေးဟောင်းနေ့ ကို လာကြသည့် ပြည်သူများ နည်းပါးကြောင်း၊ လက်ရှိမှာ အဆုတ်ရောင် ကူးစက်မြန် ရောဂါကြောင့် ပြည်သူများ လူစုလူဝေး များ မပြုလုပ်ရန်လည်း သက်ဆိုင်ရာက ကြေညာထားကြောင်းသိရသည်။
“ ဒီနှစ်တော့ ကျိုင်းတုံမှာ သင်္ကြန်လည်း မကျင်းပတော့ဘူး ” ဟု စိုင်းဆမ် က ထပ်လောင်းပြောသည်။
ယခုနှစ် စော်ဘွားဈေးတွင် ပစ္စည်း များလာရောင်းသည့် ဈေးသည်များလည်း မရှိသကဲ့သို့ ဈေးဝယ်သူများလည်း မရှိကြောင်း ကျိုင်းတုံ ဒေသခံစိုင်းငယ်က ပြောသည်။
“ အရင်က ကြိတ်ကြိတ်တိုးတဲ့ စော်ဘွားဈေး၊ ဒီနှစ်တော့ ဝယ်သူရောင်းသူ မရှိတဲ့ဈေးဖြစ်နေတယ်။ ဗိုင်းရပ်စ်က ကူးစက်မြန်တော့ လူများတဲ့နေရာ မလာရဲတာလည်း ပါမယ်” ဟု စိုင်းငယ်က ဆိုသည်။
ထိုဈေးနေ့ကို ကျိုင်းတုံမြို့ စတည်ထောင်သည့် စော်ဘွားကြီး “ စဝ်ကွမ်းကျောက်အင်းထလျန်” လက်ထက် ကတည်းက စတင်တည်ရှိခဲ့သည်။
လွန်ခဲ့သည့် ၁၉၃၀ ခုနှစ် တွင် စော်ဘွားကြီး “ စဝ်ကွမ်း ကောက်အင်းထလျန်” က ဈေးဟောင်းနေရာတွင်ဈေးရောင်းရန် အတွက် နေရာပေးသဖြင့် လက်ရှိ မြို့မ ဈေးနေရာ ကို ပြောင်းရွှေ့ရောင်းချစေခဲ့သည်။
အဆိုပါ ဈေးဟောင်းနေ့ နှစ်ပေါင်း ၈၀ ကျော်တိုင် နှစ်စဉ် ကျင်းပလာခဲ့သည်။
