ထိုင်း- မလေးရှား နယ်စပ် တောထဲတွင် မလေးရှားသို့ သွားကြမည့် မြန်မာ နိုင်ငံသား ၁၃ ဦး ကို ထိုင်းအာဏာပိုင်များက ဖမ်းဆီးရမိကြောင်း ထိုင်း သတင်းစာများ ရေးသားချက် အရသိရသည်။
မလေးရှားသို့ တရားမဝင် ခိုးဝင်ကြမည့် မြန်မာနိုင်ငံသား ၁၃ ဦးတွင် အမျိုးသား ၁၀ ဦးနှင့် အမျိုးသမီး ၃ ဦး ပါရှိကြောင်း၊ ထို ၁၃ ဦးသည် အဝတ်လက်ဆွဲအိတ်များ၊ အဝတ်သေတ္တာများဖြင့် ထိုင်း-မလေးရှားနယ်စပ် တောထဲတွင် တွေ့ရှိခဲ့ကြောင်း ထိုင်းသတင်းတွင် ဖော်ပြထားသည်။
၄င်းတို့အား အောက်တိုဘာလ ၂၁ ရက် ညပိုင်းက ထိုင်းနယ်စပ်လုံခြုံရေးစစ်တပ်ကဖမ်းဆီးမိခြင်းဖြစ်ကြောင်း ဖော်ပြထားသည်။
ထိုတောထဲရှိ မြန်မာအလုပ်သမား ၁၃ ဦးကို စစ်ဆေးကြည့်ရာ မှတ်ပုံတင် စာရွက်စာတမ်းမရှိ ၊ ခရီးသွားစာရွက် စာတမ်းမရှိ ဟုဆိုသဖြင့် ထိုင်းရဲတပ်ဖွဲ့ မှ ထပ်မံစစ်ဆေးသွားမည် ဟု သိရသည်။
ထို မြန်မာအလုပ်သမားများသည် မလေးရှားနိုင်ငံတွင် အလုပ်လုပ်ပါက လစဉ် ရူပီ ၁၈၀၀ ( ဘတ် ၁၃၀၀၀ ခန့်၊ မြန်မာကျပ်ငွေဖြင့် ကာလပေါက်စျေး ၆သိန်း ခွဲ နီးပါး) ရရှိကြောင်း သိရသည်။
(Komchadluek သတင်းမှ ဘာသာပြန်ဆိုထားပါသည်)
Leave a Comments