SSA သျှမ်းပြည်တပ်မတော် တည်ထောင်ခြင်း ၅၅ နှစ်ပြည့်အထိမ်းအမှတ် အခမ်းအနားတရပ် ဧပြီလ ၂၄ ရက် နေ့က SSPP/SSA ဌာနချုပ်ဝမ့်ဟိုင်းတွင် ကျင်းပခဲ့သည် ။

အခမ်းအနားတွင် တပ်သား ကေဒါ စစ်သည်တော်များက စစ်ရေးပြသခဲ့ကြပြီး SSPP/SSA နာယက ဗိုလ်ချုပ်ကြီး ဆေထဲန်မှ မိန့်ခွန်းပြောကြားခဲ့သည်။ ထို့အပြင် အခမ်းအနားတက်ရောက်သည့် ဧည့်သည်တော်များက ဂုဏ်ပြုအမှာစကားများပြောကြားခဲ့ပြီး နိုင်ငံရေးပါတီများ ၊ လက်နက်ကိုင်တပ်ဖွဲ့အသီးသီးမှပေးပို့သောသဝဏ်လွှာများကိုဖတ်ကြားခဲ့ကြကြောင်းသိရသည်။

အဆိုပါအခမ်းအနားသို့ ဖိတ်ကြားထားသောဧည့်သည်တော်များ၊ မိဘပြည်သူများ စုစုပေါင်း ၂၅၀၀ ကျော်တက်ရောက်ခဲ့ကြောင်းသိရပါသည်။

သျှမ်းပြည်တပ်မတော် SSA ကို စဝ်ကွဏ်းဇိဏ်း ခေါင်းဆောင်သည့် SNUF နှင့် လုံးခွန်မဟာ ဦးဆောင် သည့် သျှမ်းပြည်လွတ်လပ်ရေးတပ်မတော် SSIA တို့မှ ၁၉၆၄ ဧပြီလ ၂၄ ရက်၌ စတင်ထူထောင်ခဲ့သည်။