သျှမ်းပြည်မြောက်ပိုင်း သီပေါမြို့နယ်တွင် သျှမ်းစာပေ ဆရာမွမ်းမံသင်တန်းအပြီး ပထမဆုံးအကြိမ်အဖြစ် သျှမ်းဘာသာ စာပေဟာပြောပွဲတရပ်ကို နို၀င်ဘာလ ၂၁ ရက် က ကျင်းပသည်ဟုသိရသည်။
သျှမ်းစာပေသင်ကြားရေးဆရာကြီးလုံးစိုင်းဖှ၊ စာရေးဆရာနှင့်အယ်ဒီတာ ခွန်ယုံးချို၊ ကော်တိုင်းပညာရေးအဖွဲ့မှ အကြီးအကဲ ဆရာစိုင်းဘုန်းခေါင်နှင့် သျှမ်းစာပေပုရပိုက်ပညာရှင် ဆရာ မောက်သျှိုခေါ၀် တို့မှ သင်တန်းသား ဆရာ ဆရာမများ၊ တက်ရောက်သူပရိသတ်များအား စာပေဟောပြောခဲ့ခြင်းဖြစ်သည်။
စာရေးဆရာ ခွန်ယုံးချိုက – “ကျနော်က စာဖတ်ခြင်းအကျိုး ကို ပြောတယ်။ စာဖတ်ခြင်းအကျိုး ၁၀ ပါး။ စာများများဖတ်ရင် ဗဟုသုတတွေရမယ်ဆိုတဲ့အကြောင်းလေးပြောဖြစ်တယ်”- ဟု သျှမ်းသံတော်ဆင့် သို့ ပြောသည်။
အဆိုပါ ဟောပြောပွဲကို သီပေါမြို့ဘိုးတော်ကျောင်းတွင်ပြုလုပ်ခဲ့ပြီး သင်တန်းသူသင်တန်းသားများအပြင် ဒေသခံလူထုစုစုပေါင်းအင်အား ၄၀၀ ထက်မနည်းတက်ရောက်ခဲ့ကြောင်းသိရသည်။
ဆရာကြီးလုံးစိုင်းဖက သျှမ်းနှစ်သစ်ကူးဖြစ်ပေါ်လာပုံ ဆရာမောက်သျှိုခေါ၀် က လူနေမှုစရိုက်တို့နှင့် ပတ်သက်ပြီးဟောပြောသွားခဲ့ကြောင်းသိရသည်။
သီပေါမြို့နယ်အတွင်းရှိ သျှမ်းစာပေသင်ကြားရေးဆရာ ဆရာမ များအား မွမ်းမံသင်တန်းကို နို၀င်ဘာလ ၅ ရက်မှ ၂၁ ရက်အထိ ကျင်းပရာ သင်တန်းသား ၁၃၈ ဦးရှိကြောင်းသိရသည်။
