တနိုင်ငံလုံးအပစ်အခတ်ရပ်စဲရေးစာချုပ် လက်မှတ်ရေးထိုးထားသည့် တိုင်းရင်းသား လက်နက်ကိုင် တပ်ဖွဲ့များ၏ ရုံးအား ရန်ကုန်မြို့ ကမာရွတ်မြို့နယ်တွင် နက်ြဖန် နိုဝင်ဘာ ၁၈ ရက်နေ့ ဖွင့်လှစ် မည်ဖြစ်ကြောင်းသိရှိရသည်။
ကမာရွတ်မြို့နယ် ရွှေလီလမ်း တိုက်အမှတ် ၆ တွင် ဖွင့်လှစ်မည့် တနိုင်ငံလုံးအပစ်ရပ်စာချုပ် လက်မှတ်ရေးထိုးထားသည့် တိုင်းရင်းသားလက်နက်ကိုင် တပ်ဖွဲ့များ၏ ရုံးအား NCAS-EAO (Nationwide Ceasefire Agreement – Signatories, Ethnic Armed Organization Office) ရုံး ဟု အမည်ပေးကြောင်း၊ ဖွင့်ပွဲအခမ်းအနားသို့ အပစ်ရပ်စာချုပ်လက်မှတ် ထိုးစဉ် သက်သေ အဖြစ်ပါဝင်သည့် UN, EU, China, India, Thai နှင့် Japan တို့အား ဖိတ်ကြားမည်ဖြစ်ကြောင်း ကြားသိရသည်။
NCAS-EAOs ရုံးဒါရိုက်တာမှာ ဆလိုင်းအောင်ြမင့် ဖြစ်ပြီး – NCAS-EAOs ရုံး နှင့် EAOs တို့အကြား ဆက်ဆံရေးတာဝန်ခံများက ပဒိုတာဒိုမူး၊ ဆလိုင်းထလာဟဲ၊ ရဲဘော်မျိုးဝင်း နှင့် စိုင်းလျဲန်း တို့ ဖြစ်ကြောင်း ကြားသိရသည်။
အဆိုပါ ဖွင့်လှစ်မည့်ရုံးနေရာသည် အစိုးရပိုင် အဆောက်အဦး ဖြစ်ပြီး အစိုးရ ၏ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာနရုံးအနီးတွင် တည်ရှိကြောင်းသိရသည်။
တနိုင်ငံလုံးအပစ်အခတ်ရပ်စဲရေးစာချုပ် လက်မှတ်ရေးထိုးထားသည့် တိုင်းရင်းသား လက်နက်ကိုင် ၈ ဖွဲ့မှာ – ကရင်အမျိုးသား အစည်းအရုံး KNU ၊ သျှမ်းပြည်ပြန်လည်ထူးထောင်ရေးကောင်စီ RCSS၊ ချင်းအမျိုးသားတပ်ဦး CNF ၊ ကျောင်းသားတပ်မတော် ABSDF ၊ ရခိုင်ြပည်လွတ်မြောက်ရေးပါတီ ALP ၊ ပအိုဝ်းအမျိုးသားလွတ်မြောက်ရေးအဖွဲ့ချုပ် PNLO၊ ကရင်အကျိုးပြုတပ်မတော် DKBA နှင့် ကရင်ငြိမ်းချမ်းရေးကောင်စီ KNU-PC တို့ဖြစ်သည်။
