ကျိုင်းတုံမြို့နယ် ပြည်နယ်လွှတ်တော်မဲဆန္ဒနယ်အမှတ်၂ မှာ ယှဉ်ပြိုင်ဖို့ ကျားဖြူပါတီကနေပြီး ကျနော် စည်းရုံးရေးဆင်းပါတယ်။ ကျနော် နဲ့ ဦးသောင်းစိန် ပေါ့။
ကျနော်တို့ ကျိုင်းတုံကျားဖြူက တခြားဒေသ တခြားပါတီတွေနဲ့မတူတာတချက်က ကျနော်တို့ဒီအတွက်က ဘတ်ဂျက်သိပ်မရှိဘူး။ ကျနော်တို့ ၂ ယောက်က မော်တော်ဆိုင်ကယ်နဲ့ဘဲသွားတယ်။ ကျနော်က ရွေးကောက်ပွဲဝင်မယ့် ကိုယ်စားလှယ်လောင်း၊ ဦးသောင်းစိန်က သျှမ်းပြည်အရှေ့ပိုင်းကျားဖြူပါတီရဲ့ ဗဟိုကော်မတီဝင်လေ။ နေရာအနှံ့တော့ဆင်းခဲ့ပါတယ်။ တာဝန်လည်းကျေအောင်လုပ်ခဲ့ပါတယ်။
အောင်နိုင်ရေးအတွက်လည်း အတတ်နိုင်ဆုံးလုပ်ခဲ့ပါတယ်။ ဒါမယ့် ကားနဲ့မသွားတာတခုပါဘဲ။ ကားနဲ့သွားရင် စားရိတ်က ပိုကြီးမယ်လေ။ လူတွေကမေးတယ်ကျနော်တို့ကို။ ဘာကြောင့် ၂ ယောက်ဘဲလာတာလဲ ။ သူများပါတီတွေလိုဘာကြောင့်လူအင်အားမများတာလဲလို့မေးကြတယ်။ ကျနော်ပြောလိုက်တယ်။ သူများတွေလူ အများကြီးလာလဲ ၂ ယောက်ဘဲဟောတာဘဲ။ ကျနော်တို့ ၂ ယောက်ဘဲလာလည်း ၂ ယောက်ဘဲဟောတာဘဲ။
အကောင်းဘက်ကတွေးရင်ကျနော်တို့လူမများတာ ဒေသခံတွေ ရွာသားတွေကျနော်တို့ကို အများကြီးမပြုစု ရတော့ သက်သာတာပေါ့ လို့ပြောလိုက်တယ်။
အခုဒီကြားဖြတ်ရွေးကောက်ပွဲကို ကျနော်တို့လေ့လာမိသလောက် ကျိုင်းတုံကလူတွေက သိပ်ပြီးတော့ စိတ်မဝင်စားဘူး။ သူတို့ကမေးတယ်။ ဘာကြောင့်ကျနော်တို့က မဲထည့်ရမလဲ။ ၂၀၁၅ တုန်းကတခါ ထည့်ပြီးပြီဘဲ။ ပြီးတော့ အရင်တုန်းကလိုလည်းမဟုတ်ဘူး။ ကျိုင်းတုံတမြို့လုံးမှာမှကျနော်တို့ဘဲ မဲထည့် ရမှာ ဘာကြောင့်လဲ ဆိုပြီးမေးတဲ့လူတောင်ရှိတယ်။ သဘောက လူထုက ဒီနိုင်ငံရေးတွေမှာ ဒီအပိုင်းတွေ မှာ နားလည်မှုအရမ်းအားနည်းနေတယ်။
၂၀၁၅ တုန်းကလည်း မဲလာထည့်တာ ၅၅ ရာခိုင်နှုန်းဘဲရှိတယ်။ အဲ့တုန်းကလည်း ဒီနယ်မှာ မဲဆန္ဒရှင် ၅ သောင်းကျော်ရှိတယ်။ သျှမ်းက ၃၈ ရာခိုင်နှုန်းရှိတယ်။ လူဦးရေ ရ သောင်းကျော်တယ်။ အခါဆိုရင် ၁၈ ရယ်ခိုင်နှုန်းရှိတယ် လူဦးရေအရဆိုရင် ၄ သောင်းကျော်ရှိတယ် ။ သျှမ်းက လူဦးရေအများဆုံး ဒါမယ့် သူများကိုရှုံးနေတာဘဲ။ သမိုင်းကိုပြန်ကြည့်လိုက်။
သျှမ်းပါတီဆိုရင် ၁၉၉၀ တုန်းကလည်း ကျားခေါင်း ပါတီတခုဘဲပြိုင်တယ်။ ကျိုင်းတုံမှာ။ မအောင်ဘူး။ ၂၀၁၀ – ကျားဖြူပါတီတခုတည်းပြိုင်တယ်။ မအောင်ဘူး။ ကျိုင်းတုံမှာ။
၂၀၁၅ ကျတော့ ကျားဖြူ ကျားခေါင်းအပြင် မင်္ဂလာစည်တော် ဆိုတာရှိလာပြန်တယ်။ ၃ ခု။ အဲဒီမှာ ပါဆန့်တိတ်ကိုပြန်ကြည့်မယ်ဆို၇င် ကျားခေါင်းပါတီဆိုရင် ရ ရာခိုင်နှုန်းဘဲရှိတယ်။ ကျားဖြူဆိုရင် ၆ ရာခိုင်နှုန်းဘဲရှိတယ်။ မင်္ဂလာစည်တော်ဆိုရင် ၃ ရာခိုင်နှုန်းဘဲရှိတယ်။ လူဦးရေနဲ့တွက်မယ်ဆိုရင် မဲလာထည့်တာက သျှမ်းက ၁၆ ရာခိုင်းနှုန်းဘဲရှိတယ်။ ကြံ့ဖွံ့က ၄၀ ရာခိုင်နှုန်းနဲ့အနိုင်ရတယ်။ အဲန်အယ်ဒီက ၃၀ ရာခိုင်နှုန်းရတယ်။ အဲတာဘာကြောင့်လဲ။ သျှမ်းက စည်းလုံးမှုမရှိဘဲ ကွဲပြီးရင်းကွဲနေ လို့ဘဲဖြစ်တယ်။
ဒီကြားဖြတ်ရွေးကောက်ပွဲမှာ ကျိုင်းတုံမှာဝင်ပြိုင် မယ့်ပါတီက ၆ ပါတီရှိတယ် ။ သျှမ်းက ၂ ပါတီဖြစ်နေ တယ်။ ပြီးတော့ ကိုယ်စားလှယ်လောင်းတွေဟာ သျှမ်းလူမျိုးက ၂ ယောက်ဘဲရှိတယ်။ ကျန်တာက အဲန်အယ်ဒီဆိုရင်ဒေါက်တာဝဏ်ဏစိုး၊ ကြံ့ဖွံ့ကဝင်ပြိုင် မှာက လားဟူ၊ အခါပါတီကလည်း အခါလူမျိုးပါ။
ဒါကြောင့် ကျနော်စည်းရုံးရေးဆင်းတုန်းကလည်း ဒေသခံလူထုကိုပြောလိုက်ပါတယ်။ ကျားဖြူ ကျားခေါင်း တွေ ခွဲမနေပါနဲ့တော့ ။ စည်းလုံးညီညွတ်စွာဖြင့် သျှမ်းတယောက်ကိုဘဲ စုပေါင်းမဲထည့်လိုက်ပါ။ အဲလိုဆိုရင် ကျနော်တို့သျှမ်းက အနိုင်ရပါလိမ့်မယ် – လို့ပြောလိုက်ပါတယ်။ သျှမ်းကိုအနိုင်ရစေချင်ပါတယ်။
