၈ လေးလုံး အရေးတော်ပုံ နှစ် ၃၀ ပြည့် ပုလဲရတု အခမ်းအနား တောင်ကြီးမြို့ မြို့တော်ခန်းမ နှင့် ဗိုလ်ချုပ်ပန်းခြံ တွင်ကျင်းပ ခဲ့ကြောင်းသိရသည်။
သြဂုတ်လ ၈ ရက်နေ့တွင်ကျရောက် သော ၈ လေးလုံး အရေးတော်ပုံ နှစ်(၃၀) ပြည့် ပုလဲရတု အခမ်းအနားက်ို နံနက် ၆းဝဝ နာရီတွင် မင်းကျောင်းတိုက်၌ အရုဏ်ဆွမ်းနှင့် ၀ါဆိုသင်္ကန်း ကပ် လှူ ရေစက်ချအမျှဝေခဲ့ ပြီး မင်းကျောင်းမှ ၈ လေးလုံး ကျောက်တိုင် သို့ ချီတက်ခြင်း၊ ၈ လေးလုံးကျောက်တိုင်အား ဂါရဝ အလေးပြုခြင်း၊ ၈ လေးလုံးအရေးတော်ပုံနှင့်ပတ်သက်သည့် ဆွေးနွေးခြင်းစသည့် အစီအစဉ်များရှိခဲ့ကြောင်းသိရသည်။
အဆိုပါဆွေးနွေးပွဲကို ပြည်နယ်အစိုးရအဖွဲ့ ပြည်နယ်ဝန်ကြီးများ NLD အဖွဲ့ SNLD အဖွဲ့ သျှမ်းပြည်နိုင်ငံရေး အဖွဲ့ကျောင်းသားသမဂ္ဂအဖွဲသျှမ်းပြည်နိုင်ငံရေးအကျဉ်းသားဟောင်းများတက်ရောက်ခဲ့ကြောင်းသိရသည်။
“၂၁ ပင်လုံဟာကျနော်တို့နှစ်ပေါင်းများစွာ မျှော်လင့်ခဲ့တဲ့ အမျိုးသားပြန်လည် သင့်မြတ် ရေးညီလာခံမှာ တကယ်တော့ ဒီမိုကရေစီသမားဆိုတာတွေဟာ အာဃာတအမုန်းတရားနဲ့ သွားရမဲ့ ကိစ္စမဟုတ်ပါဘူး ။ ဒီမိုကရေစီသမားဆိုတွေဟာ ခွင့်လွှတ်ခြင်းနဲ့ မေတ္တာတရားကိုအခြေခံပြီး တိုင်းပြည်ကို တည်ဆောက်ခြင်း ဖြစ်ပါတယ်” ဟုငြိမ်းချမ်းရေးနှင့် လူ့ အဖွဲ့အစည်းမှ ဦးဂျင်မီကပြောကြားခဲ့ပါသည်။
အဆိုပါအခန်းအနားတွင် နှစ်ပေါင်း ၃၀ အကြာ ( သြဂုတ် ၈ ရက် ၁၉၈၈ ) ကဖြစ်ပျက်ခဲ့သော အဖြစ်အပျက်များနှင့်အတွေ့အကြုံများ ၊ နိုင်ငံရေးအကြောင်းများ၊ အခမ်းအနားပြုလုပ်ရခြင်းရည်ချက်များ ကို ရှင်းလင်းတင်ပြခဲ့ပါသည်။
တိုင်ကြားစာစစ်ဆေးကော်မတီဥက္ကဌ စိုင်းမျိုးမြင့်မှ “လွန်ခဲ့တဲ့ နှစ်ပေါင်းသုံးဆယ်က ဒီနေ့ဒီချိန် ဒါမျိုး ကိစ္စ နဲ့ ပတ်သတ်ပြီးတော့ သွေးစတေးခဲ့ သောရဲဘော်နှင့်ကျောင်းသားများ အားလုံးကိုလည်း သတိရဂုဏ်ယူ ပါတယ်။ ဒါပေမဲ့သူတို့ရဲ့ဆန္ဒမှတ်ချက်ပန်းတိုင် တွေက ဒီနေ့ပြည့်မြှောက်ပြီလားလို့မေးရင် မပြည့်မြှောက်သေး ဘူးလို့ ရဲရဲကြီးပြောရဲပါတယ်။ ကျနော်တို့ထင်ထား တာကတော့ ၈၈ အရေးအခင်းပြီးရင် နိုင်ငံရေးအခြေအနေ ဟာသိပ်ပြီး အခက်ခဲမရှိတော့ဘူးလို့ထင်ခဲ့ပါတယ်။ဒါပေမဲ့ထင်ထားသလိုမဖြစ်လာပါဘူး” ဟု ပြောကြားခဲ့ ပါသည်။
၄င်းအခမ်းအနားကို မွန်းလွဲပိုင်းတွင် PNLO ဥက္ကဌ ဦးခွန်မြင့်ထွန်း၊ ငြိမ်းချမ်းရေးနှင့် ပွင့်လင်း လူ့အဖွဲ့အစည်းမှ ဦးဂျင်မီ ၊ ရှေးဟောင်းသုတေသနပညာရှင် မန္တလေးတက္ကသိုလ်မှ ဒေါက်တာ ပြည့်ဖြိုးကျော်၊ အရှေ့တောင် အာရှရေးရာကျွမ်းကျင်သူ ဦးခင်လေးမောင် တို့မှ မြို့တော်ခန်းမတွင် ဆွေးနွေးသွားမည်ဖြစ်ကြောင်း သိရသည်။
တောင်ကြီးမြို့တော် ခန်းမ နှင့် ဗိုလ်ချုပ်ပန်းခြံတွင် ကျင်းပလျက်ရှိရာ တက်ရောက်လာကြသူများမှ ပြသ ထား သော သမိုင်းမှတ်တမ်း ဓာတ်ပုံများ ၊ ပန်းချီ နှင့် ကာတွန်းများ ကို ကြည့်ရှုကြပြီးနောက် ၊ တက်ရောက် ဧည့် သည်တော် မှတ်တမ်း တွင် အမှတ်တရစကားနှင့် လက်မှတ်များ ရေးထိုးခဲ့ကြသည်။ ၈၈၈၈ အရေးခင်းတွင် တောင်ကြီးမြို့ရှိကျောင်းသားပေါင်း ၂၀ကျော်သေဆုံးကြောင်းသိရသည်။
