သျှမ်းမြောက် စစ်ရှောင်များ အသက်မွေးဝမ်းကျောင်းပညာရပ်သင်ကြားပေးရန် သျှမ်းပြည်နယ်အစိုးရစီစဉ်

သျှမ်းပြည်နယ်မြောက်ပိုင်းရှိစစ်ဘေးရှောင်များအားပြန်လည်ထူထောင်ရေး ကိစ္စနှင့် ပတ်သက်၍ ပညာရေးတစ်ပိုင်းတစ်စဖြစ်ခဲ့သော လူငယ်မျာအား သျှမ်းပြည်နယ်အစိုးရအဖွဲ့အနေနှင့် အသက်မွေးဝမ်းကျောင်းပညာရပ်သင် ကြားပေးနိုင် ရန်စီ စဉ်ဆောင်ရွက်နေကြောင်း သျှမ်းပြည်နယ်အစိုးရအဖွဲ့မှ ပြောရေးဆိုခွင့်ရှိသူ စီမံကိန်းနှင့်စီးပွားရေးဝန်ကြီး ဦးစိုးညွှန့်လွင်ကပြော သည် ။

ယမန်နှစ်က သျှမ်းပြည်မြောက်ပိုင်းက စစ်ဘေးရှောင်တချို့

ကျောက်မဲခရိုင် ၊ မူဆယ်ခရိုင် ၊ လောက်ကိုင်ခရိုင် စသည့် ခရိုင် (၃) ခရိုင်မှ စစ်ဘေးရှောင်အိမ်ထောင်စု ပေါင်း (၁၅၀၀) ကျော်ရှိပြီး ကျား(၃၈၅၉) ဦး ၊ မ (၄၁၁၁) ဦး ရှိကာ စုစုပေါင်း (၇၉၇၀) ဦးရှိ ကြောင်း သျှမ်းပြည်နယ် အစိုးရ က ပြောသည်။

၄င်းတို့အတွင်းရှိ ပညာဆက်လက်သင်ကြားရန်အခွင့်အလမ်းမရှိသော ကလေးလူငယ်များအား အသက်မွေးဝမ်းကျောင်း ပညာရပ်သင်ကြားပေးနိုင်ရန် သျှမ်းပြည်နယ်အစိုးရအဖွဲ့မှယခုနှစ်(၂၀၁၈ခုနှစ်) အတွင်း ကောင်အထည်ဖော်နိုင်ရန်စီစဉ် ဆောင်ရွက်လျက်ရှိ ကြောင်း ဆိုပါသည်။

“ ဘယ်လိုသင်တန်းကျောင်းတွေလဲဆိုရင် ကျောက်မဲနဲ့တောင်ကြီးမှာ ကျနော်တို့ရက်ကန်း သင်တန်းကျောင်း ရှိပါတယ် ။ ရက်ကန်းသင်တန်း ကျောင်းကတော့ မိန်းခလေးတွေအတွက်အထူးသင့်လျော်တယ် ၊ တစ်နှစ် သင်တန်းရှိတယ်။ ခြောက်လသင်တန်းရှိတယ် ၊ အဲ့ဒီသင်တန်းကျောင်းကပြီး တာနဲ့အလုပ်ကိုင် အခွင့် အလမ်း က ရက်ကန်းရုံကနေပြီး လာရောက်ချိတ်ဆက် တဲ့အတွက် သင်တန်းကျောင်းဆင်းတာနဲ့ တန်းအလုပ်ဝင်ရ ပါတယ် ” ဟု ၀န်ကြီးဦးစိုးညွှန့်လွင်ကပြောသည် ။

အသေးစားစက်မှုလက်မှုလုပ်ငန်း ၊ အသေးစားလူသုံးကုန် ၊ စားသောက်ကုန် ထုတ်လုပ်သောသင်တန်းများ ၊ ယောကျ်ားလေးများအတွက် တစ်လုံးထိုးအင် ဂျင်ပြင်သင် တန်း ၊ မော်တော်ဆိုင်ကယ်ပြင်သင်တန်း ၊ မိုဘိုင်းဖုန်းပြင်သင် တန်း ၊ သင်တန်း (၅) မျိုးအား တစ်နှစ်ပတ်လုံး တွင်အနည်းဆုံး (၅) ကြိမ် ဖွင့်လှစ်ပေး သွားမည်ဖြစ်ကြောင်း ၄င်းကဆိုသည် ။

အဆိုပါသင်တန်းကျောင်းသည် သင်တန်းမှ ဆင်းလျှင် ဆင်းချင်းအလုပ်အ ကိုင်အခွင့်အလမ်း ရရှိနိုင်သော အသက်မွေး ၀မ်းကျောင်း ပညာဖြစ်ပြီးပြီး သင်တန်းကျောင်းများတက်ရောက်နိုင်ရန် သက်ဆိုင်ရာအထွေထွေ အပ်ချုပ်ရေးဦးစီးဌာန နှင့် ရက်ကန်းသင်တန်းကျောင်းများကို အကြောင်း ကြားထားပြီးဖြစ်ကာလက်ရှိတွင် လားရှိုးဒုပြည်နယ်မှူးမှခေါ်ယူစုဆောင်း ထားပေးလျှက်ရှိကြောင်း ဆက်လက်သိရသည် ။ သင်တန်းကျောင်းများတွင် စားစရိတ်နေစရိတ်များစရိတ်ငြိမ်း ဖြစ်ကာ တစ်သုတ်ကို လူဦးရေ(၃၀) ၀န်းကျင်ခန့်ခေါ်ယူသင်ကြားပေးနိုင်ရန် စီစဉ်ထား ရှိကြောင်းသိရှိရပါသည် ။

SHARE

LEAVE A REPLY

Please enter your comment!
Please enter your name here