RCSS နှင့် TNLA ကြား စစ်ရေးပဋိပက္ခကြောင့် နမ္မတူကျေးလက် စစ်ဘေးရှောင် ၄၀၀ ကျော်နေရပ်မပြန်နိုင်သေး

0

သျှမ်းပြည်မြောက်ပိုင်း နမ္မတူမြို့နယ်အတွင်း တိုက်ပွဲများဖြစ်ပွါးမှုကြောင့် ဘုန်းကြီးကျောင်းသို့ ထွက်ပြေး တိမ်းရှောင် လာသည့်ကျေးလက်ဒေသခံ ၄၀၀ ကျော်ရှိပြီဖြစ်ပြီး ၂ ဘက်စစ်ရေးတင်းမာမှု ကြောင့်နေရပ် မပြန်နိုင်သေးကြကြောင်းသိရသည်။

RCSS နှင့် TNLA ကြား စစ်ရေးပဋိပက္ခကြောင့် နမ္မတူကျေးလက် စစ်ဘေးရှောင် များ

နမ္မတူမြို့နယ် အနောက်ဘက်ရှိ ၀မ့်ဆော့အုပ်စုအနီး TNLA တပ် နှင့် RCSS တပ်တို့တိုက်ပွဲများဖြစ်ပွါးမှုကြောင့် ၀မ့်ဆော့အုပ်စုအတွင်း ၀မ့်ကွတ်၊ နားတီး၊ ပန်လော့၊ ၀မ့်ဝိုင် ရွာများမှ ရွာလူထုသည် ၀မ့်ဆော့အုပ်စုနှင့် ၃ မိုင်ခန့်အကွာရှိ မန့်စံဘုန်းကြီးကျောင်းသို့ မတ်လ ၁၀ ရက်နှင့် ၁၁ ရက်နေ့တို့တွင် စစ်ဘေးရှောင် ခိုလှုံနေကြခြင်းဖြစ်သည်။

စစ်ဘေးရှောင်များကူညီစောင့်ရှောက်ရေးကော်မတီမှ စိုင်းဘဉာဏ်က- မန်စံကျောင်းမှာစစ်ဘေးရှောင် တွေခိုလှုံနေကြတယ်။ မတ်လ ၁၇ ရက်နေ့ကျရင်ဒီမှာက ရှင်ပြုပွဲရှိမယ်ဆိုတော့ နမ္မတူ ဗုပ္ပါရုံကျောင်း ကို ခွဲပြီးပို့ရလိမ့်မယ်။ – ဟု ပြောဆိုသည်။

ပန်ဆော့ရွာသား ၃၀ ကျော်အား မန်စံကျောင်းတွင်ထားရှိပြီး ကျန် သုံးရွာမှ ရွာသား ၃၀၀ ကျော်အား နမ္မတူတို့ ပို့ဆောင်ထားရှိမည်ဖြစ်ကြောင်း ပြောဆိုသည်။

မတ်လ ၁၃ ရက်နေ့အထိ ၂ ဘက်တပ်များ မဆုတ်ကြသေးဘဲ တင်းမာနေသည့်အနေအထားရှိနေသေးသဖြင့် ကျေးလက်ရွာသားများနေရပ်မပြန်ရဲသေးကြကြောင်းဆိုပါသည်။

SHARE

LEAVE A REPLY

Please enter your comment!
Please enter your name here