MNDAA ခေါင်းဆောင် ဖုန်ကြားရှင်းကွယ်လွန်သည့်သတင်းပျံ့နှံ့

0

သျှမ်းပြည်မြောက်ပိုင်း ကိုးကန့်ဒေသ MNDAA မြန်မာအမျိုးသားဒီမိုကရက်တစ်မဟာမိတ်တပ်မတော်၏ ခေါင်းဆောင် ဦးဖုန်ကြားရှင်း ( အသက် ၈၀ ကျော်) တရုတ်နိုင်ငံ ကွန်မင်းဆေးရုံကြီးတွင် ကွယ်လွန်ကြောင်း သတင်းများ ထွက်ပေါ်ခဲ့ပါသည်။

ဖေဖော်ဝါရီလ ၂၀ ရက် ယမန်နေ့ကကွယ်လွန်သွားပြီဖြစ်ကြောင်း ကိုးကန့်အုပ်ချုပ်ခွင့်ရဒေသအတွင်းမှ နယ် စပ်သို့သတင်းများပျံ့နှံ့ခဲ့ပြီး ၄င်းနှင့်နီးစပ်သည့်အသိုင်းအဝိုင်း ကမူ မလိုသမာလူတစု၏ လုပ်ကြံရေးသားသည့် သတင်းဖြစ်ကြောင်း၊ ယခုထက်တိုင် ဦးဖုန်ကြားရှင်း ကျန်းကျန်းမာမာဖြင့် အသက်ရှင်နေသေးကြောင်း ပြောဆိုပါသည်။

အလားတူ တရုတ်နိုင်ငံနယ်စပ်လုံခြုံရေးအသိုင်းအဝိုင်းက ကိုးကန့်ခေါင်းဆောင်ဦးဖုန်ကြားရှင်း ကွယ်လွန် ကြောင်း သတင်းအတည်ပြုချက်မရ၊ ထို့အတွက်အမှန်တကယ်ကွယ်လွန်ခြင်းမဟုတ်ဟု ပြောဆိုပါသည်။

ကိုးကန့်ခေါင်းဆောင်ဦးဖုန်ကြားရှင်းဦးဆောင်သော ကိုးကန့်တပ်ဖွဲ့အား ၂၀၀၉ ခုနှစ်က အစိုးရ၏ တပ်မတော်က အင်အားသုံးတိုက်ခိုက်မှု၊ တပည့်ဖြစ်သူ ဦးပယ်ဆောက်ချိန်၏ တော်လှန်မှုကြောင့် ဦးဖုန်ကြားရှင်း တောခိုသွားသဖြင့် ဦးပယ်ဆောက်ချိန်က ကိုးကန့်ကိုယ်ပိုင်အုပ်ချုပ်ခွင့်ရဒေသ ဥက္ကဌအဖြစ်နေရာယူထားသည်။

အစိုးရတပ်မတော်ဘက်ကလည်း ဦးဖုန်ကြားရှင်းဦးဆောင်သည့် ကိုးကန့်တပ်ဖွဲ့အား ငြိမ်းချမ်းရေးဆွေးနွေးရန် လက်မခံသေးဘဲ ယနေ့တိုင် မကြာခဏတိုက်ပွဲများမဖြစ်ပွါးနေပါသေးသည်။

SHARE

LEAVE A REPLY

Please enter your comment!
Please enter your name here