သျှမ်းပြည်မြို့တော် တောင်ကြီးမြို့ပေါ်လုံခြုံရေးအတွက် CCTV များတပ်ဆင်ထားရန် သျှမ်းပြည်နယ် ရဲတပ်ဖွဲ့မှူးက တိုက်တွန်းလိုက်သည်။
မှုခင်းပိုင်းဆိုင်ရာကျဆင်းရေးအတွက်ရည်ရွယ်ကာ ဘဏ်များ ၊ ဟိုတယ်များ ၊ ရွှေဆိုင်များ CCTV တပ် ဆင်ကြရန်၊ တဖက်တွင်လည်း နိုင်ငံ တော်လုံခြုံ ရေးအဖွဲ့အစည်းများ၏ အသွင်သဏ္ဍာန် ပုံစံတူယူနီဖောင်း များဝတ် ဆင်ခြင်း မပြုလုပ်ရန် သျှမ်းပြည်နယ်ရဲတပ်ဖွဲ့မှူး ရဲမှူးချုပ်အောင်အောင်ကတိုက်တွန်းလိုက်သည် ။
လုံခြုံရေးနှင့်ပတ်သက်သည့် အသိပညာပေးဟောပြောပွဲအား ဖေဖော်ဝါရီ (၁၅)ရက်နေ့က တောင်ကြီးမြို့ ရှိ သျှမ်းပြည်နယ်ရဲတပ်ဖွဲ့မှူးရုံး တွင်ကျင်းပရာတွင် ထိုသို့ပြောကြားခဲ့ခြင်းဖြစ်သည်။
” မှုခင်းတစ်ခုဖြစ်ပြီဆိုရင် ရဲစခန်းကို အကြောင်း ကြားတဲ့ အချိန်ရယ် ရဲကရောက်မယ့်အချိန်ရယ် ပြစ်မှုကျူးလွန်တဲ့သူကထွက်ပြေး တဲ့အချိန် ရယ်ကြားကာလ ညှိဖို့ကမလွယ်ပါဘူး၊ မလွယ်တဲ့အတွက် ကျန်ခဲ့တဲ့ CCTV မှတ်တမ်းတွေအရ ကျနော်တို့က ပြန်လိုက်ရတာတွေရှိပါ တယ် ” ဟုတောင်ကြီး မြို့မရဲစခန်းဒုရဲမှူးမျိုးဦးကပြောသည် ။
မှုခင်းကျဆင်းရေး ဆောင်ရွက်ရာတွင် အခါအားလျော်စွာရုံးပိတ်ရက်တွင် ကျေးရွာအုပ်စု ၊ နယ်စွန်နယ်ဖျား ၊ မြို့ပေါ်ရပ်ကွက်များ ၊ စာသင် ကျောင်းများ အဝေးပြေးကားဂိတ်များတွင် ပညာပေးဟော ပြောပွဲအခန်းအနားအဖြစ် ဆောင်ရွက်လျှက်ရှိပြီး စျေးများနှင့် စျေးဆိုင်ခန်းများအား CCTV တပ် ဆင်ကြစေရန်ပြောဆိုစည်းရုံးဆွေးနွေးခြင်းများပြုလုပ်လျှက်ရှိကြောင်း၄င်းကဆက်လက် ရှင်းပြသည် ။
ယခင်ကထက် မှုခင်းဖြစ်ပွားမှုနှုန်းများပြားရခြင်းနှင့်ပတ်သက်၍ ဒုရဲမှူးမျိုး ဦးက ” ဒီခေတ်မှာပွင့်လင်းမြင်သာတဲ့ခေတ်ရောက်လာပြီဆိုတော့ ယခင်ခေတ်နဲ့ စာရင် မှုခင်းကများပြားပါတယ်။ ရဲစခန်းကိုအမှု လာဖွင့် တိုင်သမျှကိုဥပဒေ အကျိုးအကြောင်းနဲ့ အညီအရေးယူဆောင် ရွက်ပေးတဲ့အတွက် မှုခင်းဖြစ်ပွား မှုများလာပါတယ် ။ ကျနော်တို့ဖော် ထုတ်နိုင်တဲ့မှုခင်းတွေရှိသလို ခုထိမဖော်ထုတ်နိုင်တဲ့ မှုခင်းတွေလဲရှိပါတယ် ” ဟု ပြောသည် ။
အဆိုပါအခမ်းအနားကိုတောင်ကြီးမြို့ပေါ်ရှိ ဟိုတယ်လုပ်ငန်းရှင် ၊ ရွှေဆိုင် လုပ်ငန်းရှင် ၊ အဝေးပြေးကားဂိတ်မှူးများ နှင့် ဘဏ်လုပ်ငန်းရှင်များ City Square တာဝန်ခံများ တက်ရောက်ခဲ့ပါသည် ။
