သျှမ်းပြည်နယ်အတွင်းသတင်းသမားများအခက်အခဲ ဖြေရှင်းနိုင်ရေး မဏ္ဍိုင်(၄) ရပ်တွေ့ဆုံပွဲ တောင်ကြီးမြို့တွင် ပထမအကြိမ် ကျင်းပ

0

သျှမ်းပြည်နယ်အတွင်းသတင်းသမားများအခက်အခဲ ဖြေရှင်းနိုင်ရေး မဏ္ဍိုင်(၄) ရပ်တွေ့ဆုံပွဲကို မြန်မာနိုင်ငံ သတင်းမီဒီယာကောင်စီမှ ဦးဆောင်ကာ တောင်ကြီးမြို့တွင် ကျင်းပခဲ့သည်။

မဏ္ဍိုင် ၄ ရပ် တွေ့ဆုံပွဲကို ဂျန္နဝါရီလ ၂၉ ရက်နေ့က Royal Taunggyi Hotel တွင် ကျင်းပခဲ့ခြင်းဖြစ်ပြီး သျှမ်းပြည်နယ်ဝန်ကြီးချုပ်နှင့် သျှမ်းပြည်နယ်အစိုးရအဖွဲ့မှ ၀န်ကြီး များ ၊ ပြည်နယ်လွှတ်တော်ဥက္ကဌနှင့် ပြည်နယ်တရားသူကြီးချုပ် တို့ တက် ရောက်ခဲ့သည် ။

ပြည်နယ်နှင့် တိုင်းဒေသကြီးများမှ သတင်းမီဒီယာသမားများအနေဖြင့် သက်ဆိုင််ရာ အစိုးရ ၊ လွှတ်တော်၊ တရားသူကြီးတို့ထံ သတင်းများရယူရာတွင် အခက်အခဲများရှိနေရာ အခက်အခဲများဖြေရှင်းနိုင်ရေးအတွက် မျက်နှာချင်းဆိုင်တွေ့ဆုံ ဆွေးနွေးခြင်းအားဖြင့် အဖြေထွက်ပေါ်လာနိုင်ကြောင်း မြန်မာနိုင်ငံ သတင်းမီဒီယာ ကောင်စီဝင် ဆရာမြင့်ကျော်က ရှင်းပြသည် ။

” သျှမ်းပြည်နယ်ကတော့ တခြားပြည်နယ်နဲ့တိုင်းတွေ ထက်ပိုပြီးတော့ အခက်အခဲတွေ စိန်ခေါ်မှုတွေရှိတာပေါ့ ၊ သျှမ်းပြည်နယ်အနေနဲ့ ပြောရမယ် ဆိုရင်တော့ နယ်မြေဒေသလဲကျယ်တယ် အုပ်ချုပ်ရေးအရလဲ အများကြီး ရှိတာပေါ့။ သျှမ်းမြောက်၊ သျှမ်းတောင်၊ သျှမ်းအရှေ့ ဆိုပြီး ပြည်နယ်အစိုးရနဲ့ ဆက်သွယ်တဲ့နေရာမှာ တော်တော့် ကို အလှမ်းဝေး နေရာတွေရှိတယ် ၊ ဘယ်လိုဖြေရှင်းရမလဲဆိုတဲ့ဟာတွေဘယ်လိုအဖြေ ရှာရ မလဲဆိုတာ ထွက်ပေါ်လာတယ်။ တွေ့တဲ့တစ်နေ့တည်းမှာတော့ အခက်အခဲ အားလုံး တော့ ပြေလည် သွားမယ်လို့တော့မမျှော်လင့်ဘူး ။ သို့ပေမဲ့ အခက်အခဲဆိုတာ ဘာတွေရှိလဲ ဘယ်လိုဖြေရှင်းမလဲ ဆိုတဲ့ ဟာမျိုးတွေ တစ်ခါတစ်လေ မှာ မီဒီယာဘက်က အားနည်းချက်တွေလဲရှိနိုင်တယ်။ အစိုးရဌာနတွေဖက်က လွှတ်တော် ၊ တရားသူကြီးတွေဖက်က မီဒီယာနဲ့ပတ်သက် ဆက်ဆံတဲ့နေ ရာမှာ ဒီဖက်က လိုအပ်ချက်တွေ နားမလည်တာတွေလဲဖြစ်နိုင်တယ် ၊ တစ်ချို့ ကိစ္စကတော့ပြည်ထောင်စု အဆင့်မှာဖြေရှင်းရမယ့် အခက်အ ခဲတွေလဲရှိ တာပေါ့ ” ဟုဆရာမြင့်ကျော်က ဆက်လက်ပြောသည် ။

ယင်းဆွေးနွေးပွဲတွင် သျှမ်းပြည်နယ် အုပ်ချုပ်ရေး ၊ တရားစီရင်ရေး ၊ ဥပဒေပြု ရေး တို့တွင်သတင်းသမားများမှ သတင်းအချက်အလက် ရယူရာ တွင် ရင်ဆိုင်ကြုံတွေ့နေရသော အခက်အခဲတစ်ချို့ ကိုတင်ပြဆွေးနွေးကြ သည် ။

သတင်းသမားများ တရားရုံးနှင့်ပတ်သက်သည့် သတင်းအ ချက်အလက်ရယူနိုင်ရန် အတွက်လည်း သတင်းပြန်ကြားရေး အရာရှိတစ်ဦးထားရှိ ပေးထားပြီး အများပြည်သူသိခွင့်ရှိသောသတင်းများကို သတင်းထောက် အသိအမှတ်ပြု ကဒ်ပါရှိမှသာ ထုတ်ပြန်ပေးသွား မည်ဖြစ်သည်ဟု သျှမ်းပြည် နယ်တရားသူ ကြီးချုပ် ဦးကြွယ်ကြွယ်က ပြောသည် ။

သျှမ်းပြည်နယ်အစိုးရအဖွဲ့မှ ပြောရေးဆိုခွင့်ရှိသူ စီမံကိန်းနှင့် စီးပွားရေးဝန်ကြီး ဦးစိုးညွှန့်လွင် ကလည်း သျှမ်းပြည်နယ်အစိုးရအဖွဲ့၏ လုပ်ဆောင်ချက်များနှင့်ပတ် သက်၍ မကြာမှီ သတင်းစာရှင်းလင်းပွဲ ပြုလုပ် ပေးသွားမည် ဟုပြောကြား သွားခဲ့သည် ။

SHARE

LEAVE A REPLY

Please enter your comment!
Please enter your name here