ပြည်ထောင်စု တိုင်းရင်းသား ဒုတိယဝန်ကြီးရာထူးအတွက် အစိုးရကမ်းလှမ်းမှု SNLD ထပ်မံငြင်းဆို

0

ပြည်ထောင်စု အစိုးရ တိုင်းရင်းသားရေးရာဝန်ကြီးအား ဝိုင်းရံအလုပ်ကူနိုင်မည့် ဒုတိယဝန်ကြီး တိုးချဲ့ခန့်အပ်ရေးအတွက် သင့်လျော်သည့် ပုဂ္ဂိုလ်တဦးဦးမှ လက်ခံရယူရန် အစိုးရကမ်းလှမ်းလာမှုအား သျှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ကငြင်းဆိုလိုက်သည်ဟုသိရသည်။

အဆိုပါရာထူးအတွက် သမ္မတရုံးဝန်ကြီးဌာန မှ အဆင့်မြင့်အရာရှိကြီးတဦးက သျှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ထံ ဖုန်းဖြင့်ဆက်သွယ်လာကြောင်း၊ ထိုရာထူးအတွက် မည်သို့ဆန္ဒရှိသည် ကိုမေးမြန်းလာသည်ဟု ပြောခွင့်ရ ပုဂ္ဂိုလ် က ဤကဲ့သို့ပြောသည်။

“ဒီကိစ္စ နဲ့ ပတ်သက်ပြီး တဦးတယောက်တည်းအနေနဲ့ ဆုံးဖြတ်လို့မရဘူး။ ဗဟိုကော်မတီအစည်း အဝေးခေါ်ယူပြီးဆုံးဖြတ်ရမဲ့ကိစ္စ။ ဒါပေမယ့် အရင်ကလဲ ဝန်ကြီးရာထူးအတွက်ကမ်းလှမ်း လာဖူးတယ်။အဲတာတောင် လက်မခံခဲ့ပါဘူး။ အခု ဒုဝန်ကြီး ရာထူးလဲ လက်ခံဖို့မဖြစ်နိုင်ဘူးထင်တယ် ဘဲ ပြန်ပြောလိုက်တယ်” – ဟု ပြောခွင့်ရ စိုင်းလိတ်က သျှမ်းသံတော်ဆင့်သို့ပြောသည်။

၂၀၁၅ အထွေထွေရွေးကောက်ပွဲ အနိုင်ရရှိသည့် NLD ပါတီ မှ အစိုးရ စတင်ဖွဲ့စည်းစဉ်ကလည်း ပြည်ထောင်စု တိုင်းရင်းသားရေးရာဝန်ကြီး ရာထူး အတွက် SNLD ပါတီ အထွေထွေ အတွင်းရေးမှူး အား တိုက်ရိုက် အပ်နှင်းခဲ့ဖူးသည်ဟု စိုင်းလိတ်က ဤကဲ့သို့ ဆက်၍ပြောသည်။

“ဒုသမ္မတ ရာထူးမပေးလို့၊ သျှမ်းပြည်နယ်ဝန်ကြီးချုပ်ရာထူးမပေးလို့ SNLD ကနေ NLD အစိုးရ ကမ်းလှမ်းလာတဲ့ တိုင်းရင်းသားရေးရာဝန်ကြီးနေရာကို လက်မခံတာဖြစ်တယ်လို့ အထင်အမြင်လွဲ မှားတာတွေရှိတယ်။ ဒါပေမယ့် တိုင်းရင်းသားရေးရာဝန်ကြီးနေရာကို SNLD လက်မခံရတာဟာ လုပ်ငန်း ကြောင့်ဖြစ်တယ်။ တကယ်လို့ တိုင်းရင်းသားရေးရာဝန်ကြီးရဲ့တာဝန်ဟာ ပြည်ထောင်စုငြိမ်း ချမ်းရေး အတွက်လုပ်ဆောင်ရမယ်။ လက်နက်ကိုင်တိုင်းရင်းသားတပ်ဖွဲ့၊ နိုင်ငံရေးပါတီ ၊ လူမှုရေးလှုပ်ရှားနေ တဲ့သူတွေရော စုပေါင်းညှိနှိုင်းပြီးတော့ အစိုးရ၊ တပ်မတော် နဲ့ဆွေးနွေးရမယ် ငြိမ်းချမ်းရေး တည် ဆောက်ရမယ်ဆိုရင်တော့ SNLD အနေနဲ့ လက်ခံကောင်းလက်ခံမယ်။” – ဟု ဆက်၍ပြောသည်။

အဆိုပါ တိုင်းရင်းသားရေးရာ ဒုတိယ ဝန်ကြီးရာထူးအား သျှမ်းတိုင်းရင်းသား ဒီမိုကရေစီ အဖွဲ့ချုပ် SNLD အပြင် ကျားဖြူပါတီ ၏ ပြည်သူ့လွှတ်တော် အမတ်ဟောင်း တဦးအားလည်း ဆက်သွယ်ခဲ့ သေးကြောင်း ကြားသိရသည်။ လက်ရှိအစိုးရတွင် ကရင်တွင် မန်းဝင်းခိုင်သန်း၊ ရခိုင် တွင် ဦးအေးသာအောင်၊ ကချင်တဦး၊ မွန်တဦး အဆိုပါ ဝန်ကြီးနေရာ ရရှိထားပြီး သျှမ်းလူမျိုးများ လက်ရှိအစိုးရတွင် အဆင့်မြင့်ရာထူး ရယူထားခြင်းမရှိသေးပေ။

SHARE

LEAVE A REPLY

Please enter your comment!
Please enter your name here