CSSU နှစ်ပတ်လည်အစည်းအဝေး လွယ်တိုင်းလျန်းဌာနချုပ်တွင်ကျင်းပမည်

0

သျှမ်းပြည်ညီညွတ်ရေးကော်မတီ CSSU ၏ နှစ်ပတ်လည်အစည်းအဝေးကို သျှမ်းပြည်တောင်ပိုင်း မိုင်းပန်မြို့နယ် လွယ်တိုင်းလျန်းတောင်တွင် လာမည့်လဆန်းပိုင်း ကျင်းပမည်ဖြစ်ကြောင်းသိရသည်။

ဖေဖော်ဝါရီ်လ ၁ ရက်နှင့် ၂ ရက်နေ့တို့တွင် Committee For Shan State Unity နှစ်ပတ်လည် အစည်း အဝေးကို RCSS/SSA ဌာနချုပ် လွယ်တိုင်းလျန်းတွင် ကျင်းပရန်စီစဉ်ထားရာ ပြီးခဲ့သည့်နှစ်အတွင်း လုပ်ငန်းဆောင်တာများကိုပြန်လည်သုံးသပ်ခြင်း၊ လာမည့်နှစ်အတွက် လုပ်ငန်းစဉ်များ ချမှတ်ခြင်းတို့ကို ဆွေးနွေးသွားမည်ဟုသိရသည်။

CSSU အတွင်းရေးမှူးများအဖွဲ့ဝင် စဝ်ပင်ခမ်းက – လာမယ့်လ ဦးပိုင်း လွယ်တိုင်းလျဲမှာ လုပ်မယ့်အစည်းအဝေးမှာ လုပ်ဆောင်လာခဲ့တဲ့လုပ်ငန်းရဲ့ အားသာချက် အားနည်းချက်တွေပြန်သုံးသပ်မယ်။ အမျိုးသားအဆင့် (သျှမ်း) ဆွေးနွေးပွဲ အတွက် ကြုံတွေ့တဲ့အခက်အခဲတွေ၊ ထပ်မံကြိုတင်ပြင်ဆင်မှုတွေ ဆွေးနွေးမယ်။ နောက်ပြီး ဒုတိယ အဆင့်ဖြစ်တဲ့ သျှမ်းပြည်တိုင်းရင်းသားအားလုံး ပါလာဖို့တွက် လုပ်ငန်းစဉ်တွေ ဆွေးနွေးချမှတ်မယ် – ဟု ပြောသည်။

သျှမ်းပြည်ညီညွတ်ရေးကော်မတီ CSSU တွင် သျှမ်းတိုင်းရင်းသားများဒီမိုကရေကရက်တစ်ပါတီ SNDP ၊ သျှမ်းပြည်ပြန်လည်ထူထောင်ရေးကောင်စီ၊ သျှမ်းပြည်တပ်မတော် RCSS/SSA ၊ သျှမ်းပြည်ပူးပေါင်း ဆောင်ရွက်ရေးကော်မတီ SSJAC (သျှမ်းတိုင်းရင်းသားများဒီမိုကရေစီအဖွဲ့ချုပ် SNLD ၊ သျှမ်းပြည် တိုးတက်ရေးပါတီ SSPP/SSA ) ၊ သျှမ်းလူမှုအခြေပြုအဖွဲ့အစည်း Shan CBOs တို့ဖြင့်စုပေါင်းဖွဲ့စည်း ထားသည်။ ထိုနောက်ပိုင်း သျှမ်းပြည်အရှေ့ပိုင်း ဒီမိုကရက်တစ်ဖွံ့ဖြိုးတိုးတက်ရေးပါတီ ESSDDP၊ သျှမ်းပြည်မျိုးဆက်သစ်များအဖွဲ့ NGSS ၊ သျှမ်းလူငယ်အဖွဲ့ TYO ၊ ထိုင်းနိုင်ငံရှိ သျှမ်းအမျိုးသားများအဖွဲ့ TNAT တို့ပါ၀င်ပူးပေါင်းလာခဲ့သည်။

၂၀၁၃ ခုနှစ် နှောင်းပိုင်းက စတင်ဖွဲ့စည်းလာသည့် CSSU ၏ ရည်ရွယ်ချက်မှာ သျှမ်းပြည်တွင်းလူထု ၏ အခွင့်အရေးများကိုကာကွယ်ရန်ဖြစ်ပြီး၊ သျှမ်းပြည် သူလူထု မိမိကံကြမ္မာ မိမိဖန်တီးနိုင်ရန်၊ နိုင်ငံရေးဆွေးနွေးရေးအတွက် နိုင်ငံရေးမူဘောင်စုပေါင်းပြင် ဆင်ရန်အတွက် စသည်တို့ဖြစ်ပါသည်။

SHARE

LEAVE A REPLY

Please enter your comment!
Please enter your name here