သျှမ်း/မြောက် ကွတ်ခိုင်တွင် ကာလတန်ဖိုးကျပ်သိန်းပေါင်း ရ သိန်းကျော်တန်ဖိုးရှိ မူးယစ်ဆေးဝါးများဖမ်းမိ

0

သျှမ်းပြည်မြောက်ပိုင်း ကွတ်ခိုင်မြို့တွင် ဘိန်းဖြူများ စိတ်ကြွဆေးပြားများ ကာလတန်ဖိုး ကျပ်သိန်းပေါင်း ရ သိန်းကျော် ဖမ်းဆီးရမိကြောင်း သိရသည်။

ဂျန္နဝါရီလ ၁၇ ရက် နံနက် ၈ နာရီခွဲက မူးယစ်တပ်ဖွဲ့နှင့် သက်ဆိုင်ရာအာဏာပိုင်များက ကွတ်ခိုင်မြို့နယ် ကောင်းခါးရွာနေ ဦးလောက်ယောင်း ၏ နေအိမ်တွင် မူးယစ်ဆေးဝါး အပြားပေါင်း သိန်း ၃၀၀ ကျော်နှင့်အတူ ဘိန်းဖြူဘလောက်တုံး ၁၃၆၃ တုံး၊ ဘိန်းဖြူ ဆပ်ပြာခွက် ၃၃၀၀ ခွက် နှင့် အခြားသောမူးယစ်ဆေးဝါးများ ရှာဖွေဖမ်းဆီးရမိသည်ဟု ကွတ်ခိုင်မူးယစ်ရဲတပ်ဖွဲ့ဓါတ်ပုံမှတ်တမ်း များအရသိရသည်။

“ဖမ်းဆီးမှုက ကာလတန်ဖိုး ကျပ်သန်းပေါင်း ရ သောင်းကျော်ရှိမယ်လို့သူတို့ပြောနေကြတယ်။ ရဲတွေဘာတွေ ၀င်စစ်ချိန်မှာလူ မနေဘူးတဲ့။ ဒီလိုပါဘဲ မူးယစ်ဆေးဝါးကတော့ ပေါများလွန်းလို့ ။ ရောင်းတဲ့လူရော သုံးတဲ့လူရော”- ဟု ကွတ်ခိုင်ဒေသခံ နန်းလျံကပြောသည်။

အဆိုပါဖမ်းဆီးမှုသည် ဂျန္နဝါရီလ ၁၆ ရက်နေ့က သန္နီမြို့ အိုရီယဲန်တယ်လ် တိုးလ်ဂိတ် တွင် အာဏာပိုင်များ ဖမ်းဆီးရမိသော မူးယစ်ဆေးဝါးများ၊ သယ်ဆောင်သူများထံမှ သိရှိရပြီး ၀င်ရောက်ဖမ်းဆီးခြင်းဖြစ်ကြောင်းလည်းသိရပါသည်။

ကွတ်ခိုင်မြို့ ကောင်းခါးရွာတွင်ဖမ်းမိသောမူးယစ်ဆေးဝါးများမှာ ကာလတန်ဖိုးအများဆုံးစာရင်းတွင် ပါ၀င်ကြောင်း၊ ပိုင်ရှင်ဖမ်းဆီးနိုင်ရေးအတွက်လဲ ရဲတပ်ဖွဲ့ဝင်များက ပိုက်စိတ်တိုက်ရှာဖွေနေကြောင်း ကြားသိရပါသည်။

SHARE

LEAVE A REPLY

Please enter your comment!
Please enter your name here