တောင်ကြီးမြို့နယ် အတွင်းရှိ စက်ရုံ ၃ ရုံအား အစိုးရကွင်းဆင်းစစ်ဆေးပေးရန် ဒေသခံများတောင်းဆို

0

တောင်ကြီးမြို့နယ် နမ့်ဆီးကျေးရွာအုပ်စုအတွင်း ရှိ အမှတ်(၂)ပင်းပက်သံမဏိစက်ရုံ ၊ ငွေကမ္ဘာ ခနောက်စိမ်းစက်ရုံ နှင့် ကမ္ဘောဇ ဘိလပ်မြေ စက်ရုံအား သျှမ်းပြည်နယ် အစိုးရနှင့် သက်ဆိုင်ရာ ကုမ္ပဏီများမှ ကွင်းဆင်း စစ်ဆေးပေးရန်ဒေသခံများ က ဂျန္နဝါရီလ ၁၂ ရက်နေ့က Royal Star hotel တွင်သတင်းစာရှင်းလင်းပွဲ ပြုလုပ်ကာတောင်းဆိုလိုက်သည်။

အဆိုပါသတင်းစာရှင်းလင်းပွဲတွင် ကောင်ရွေ လူမှု အဖွဲ့ အစည်းနှင့် ဒေသခံရွာသားများပူးပေါင်း၍ အထက်ပါစက်ရုံ (၃)ရုံကြောင့် နမ့်ဆီး ကျေးရွာအုပ်စုအတွင်းရှိ ကျေးရွာ (၁၃)ရွာမှ လူထုများ၏ နေ့စဉ် ရင်ဆိုင်ကြုံတွေ့နေသော ပြသနာ များအား သုတေသန ပြုလုပ်ထားသောအချက်အလက်များပါ စာအုပ်တစ်အုပ်ကိုလည်း ထုတ်ဝေထားပါသည် ။

“ဒေသအတွင်း စက်ရုံတွေ ရောက်လာတော့ ရေထွက်တွေပိတ် ပြီးရေရှားပါးလာတယ် ၊ စက်ရုံဝန်ထမ်းတွေ ကရေမြောင်းတွေမှာ ဖြစ်သလိုအမှိုက်စွန့် ပစ်တာတွေ စက်ရုံကထွက်တဲ့ အနှံ့ ဆိုးတွေကြောင့် ကျန်းမာရေးတွေ ဆိုးဆိုးဝါးဝါး ထိခိုက်တာတွေ ကုန်ကြမ်းတင်တဲ့ကားတွေကြောင့် ဖုန်မှုန် ့ တလူလူ နဲ့ ကလေးတွေကျောင်းသွားရတာတွေ စက်ရုံလည်ပတ် တဲ့ အသံတွေ ကြောင့် ညအိပ်မရတာတွေ စတဲ့စတဲ့ နေ့စဉ်ရင်ဆိုင်နေရတဲ့ ပြသာနာတွေ ရှိနေတယ် ” ဟု ကောင်ရွေလူမှု အဖွဲ့မှ ဒါရိုက်တာ ခွန်မျိုးက ပြောသည် ။

စက်ရုံများ၏ ဘေးထွက်ဆိုးကျိုးများအား ဒေသခံတောင်သူများ သျှမ်းပြည်နယ်အစိုးရ အနေဖြင့်လည်းကောင်း သက်ဆိုင်ရာကုမ္မဏီအနေဖြင့်လည်းကောင်း တာဝန်ယူ တာဝန်ခံမှု မရှိသေးကြောင်း ကိုလည်း ၄င်းက ပြောသည် ။

” ခနောက်စိမ်းစက်ရုံ ကထွက်တဲ့ အနှံ့ ဆိုးတွေကြောင့် ခေါင်းမူးပြီး အော့အန်တာတွေ ကလေးလူကြီးမရွေး ဖြစ်နေတယ် ၊ ကျန်းမာရေးဌာနက လာမေးတယ် ဒါပေမဲ့ ထူးခြားမှု မရှိဘူး ” ဟု နမ့်ဆီးကျေးရွာအုပ်စု ၊ နောင်လံရွာ နေ ဦးခွန်မောင်လေးကပြောသည် ။

ဒေသခံများထံ သိမ်းဆည်းထားသော အသုံးမပြု သည့်မြေယာများ အားဒေသခံများထံ ပြန်လည်အပ်နှံ ရန် နှင့် ရွာ သချိုႋင်း မြေများ ပြန်လည် အပ်နှံရန် ကိုလဲ ဒေသခံများက တောင်းဆိုထားကြကသည် ။

” တာဝန််ရှိတဲ့ လူကြီး များကွင်းဆင်း စစ်ဆေးပေးဖို့နဲ့ စက်ရုံတွေ ရဲ့ ကောင်းကျိုးဆိုးကျိုးကို လူထုသိအောင် ချပြဖို့ တောင်း ဆိုပါတယ် ၊ ကမ္ဘောဇ ဘိလပ်မြေကလဲ အလှူ လုပ်တာတွေခဏရပ်ပြီး ဖုန်ထနေတဲ့ လမ်းတွေ အစား ကတ္တရာလမ်းသာ မြန်မြန် ခင်းပေးဖို့ တောင်းဆိုပါတယ် ” ဟု နမ့်ဆီးကျေးရွာအုပ်စု ၊ ညောင်ဖြူ ရွာနေ ဦးဝင်းနိုင်ကြွယ်က ဆိုသည် ။

တောင်ကြီးမြို့တောင်ဘက် ရ မိုင်ကျော်အကွာခန့်ရှိ နမ့်ဆီးကျေးရွာ အုပ်စုတွင် ကျေးရွာပေါင်း ၁၃ ရွာ ရှိပြီး ဒေသခံများမှာ သျှမ်း နှင့်ပအိုဝ်းတိုင်း ရင်းသား လူဦးရေ ၃၀၀၀ ကျော် ရောနှောနေထိုင်ကြသည် ။

စပါး ၊ပြောင်း ၊ ပဲစင်းငုံ ၊ သနပ်ဖက် ၊ ကြက်သွန်ဖြူ ၊ စသည့် စိုက်ပျိုးရေး လုပ်ငန်းများကို အဓိကထား လုပ်ကိုင်လျှက်ရှိပြီး ယခုအခါ စက်ရုံများကြောင့် မြေယာများဆုံး ရှံုးပြီး စက်ရုံ ၏ ဘေးထွက်ဆိုးကျိုးများကြောင့် စိုက်ပျိုးပင်များ ဖြစ်ထွန်းမှု အားနည်းလာကြောင်းသိရှိရပါသည် ။

SHARE

LEAVE A REPLY

Please enter your comment!
Please enter your name here