တိုင်းရင်းသားလူထု တရပ်လုံးငြိမ်းချမ်းရေးအတွက် ပြည်ထောင်စုဒိုင်လူကြီးလိုအပ်

0

မြန်မာနိုင်ငံအနောက်ခြမ်း ရိုဟင်ဂျာ၊ ဘင်္ဂါလီ မွတ်ဆလင် အရေးအခင်း ဖြစ်ပွားတဲ့ ဩဂုတ်လ ၂၅ ရက် က စပြီး စက်တင်ဘာ လကုန်ပိုင်းအထိ ကချင်ပြည်နယ်၊ သျှမ်းပြည်နယ် တွေဘက်မှာ တိုက်ပွဲ ဖြစ်ပွားမှု တော်တော့ကို လျှော့ကျသွားပါတယ်။ ဒီအခြေအနေကို ဆန်းစစ်ကြည့်ရင် တိုင်းရင်းသားဒေသမှာ ဘာ့ ကြောင့် တိုက်ပွဲတွေဖြစ်ပွားရတာလဲ၊ တိုင်းရင်းသားဒေသမှာ ဘာ့ကြောင့် မငြိမ်းချမ်းရတာလဲ ဆိုတာ ကွက်ကွက်ကွင်းကွင်း ပေါ်လွင်နေပါတယ်။

တိုင်းရင်းသားတွေ တိုက်ပွဲကြိုက်လွန်းလို့ ၎င်းတို့ရဲ့ဒေသမှာ တိုက်ပွဲ ဖြစ်ပွားနေတာလား ၊ ဘာ့ကြောင့် တိုက်ပွဲ ဖြစ်ပွားနေတာလဲ။ တိုက်ပွဲဖြစ်ပွားတိုင်း သတိထား မိတာက – အစိုးရ တပ်မတော် နယ်မြေစိုးမိုး ရေး၊ နယ်မြေ ရှင်းလင်းရေး – စီမံကိန်း လို့ ဆိုပါတယ်။  တိုင်းရင်းသားတွေဘက်ကတော့ အလျော့ပေးတဲ့ ပုံစံနဲ့ဘဲအမြဲတမ်း သတင်းထောက်တွေကို ဖြေကြားလေ့ရှိပါတယ်။

ဗိုလ်ချုပ်ကြီးယွက်စစ် အပစ်စရပ်တုန်းက – “ ကျနော်တို့က နိုင်ငံရေး ပြဿနာကို နိုင်ငံရေး နည်းလမ်း နဲ့ ဘဲ ဖြေရှင်းလိုတယ်။ အခု အစိုးရက ငြိမ်းချမ်းရေး လက်ကမ်းလာလို့ ၊ ကျနော်တို့လဲ လက် နက် ကိုင်တာ နိုင်ငံရေးဆွေးနွေးဖို့ဘဲ ဆိုတော့ နိုင်ငံရေးဆွေးနွေးဖို့ ကျနော်တို့ အပစ်ရပ်ရတာ ဖြစ် တယ်” – လို့ ပြောပါတယ်။

သျှမ်းပြည်တိုးတက်ရေးပါတီ သျှမ်းပြည်တပ်မတော် SSPP/SSA ပြောခွင့်ရ ဗိုလ်မှူး စိုင်းဘုန်းဟန် က လည်း – ငြိမ်းချမ်းရေးအောင်မြင်မယ်၊ မအောင်ဘူး၊ ငြိမ်းချမ်းမယ်၊ မငြိမ်းချမ်းဘူး ဆိုတာ အစိုးရ နဲ့ တပ်မတော် ပေါ် မှာဘဲ မူတည်တယ်၊ သူတို့ အမှန်တကယ်လုပ်ရင်ရပါတယ်။ – လို့ပြောပါတယ်။

၂၀၁၇ ဩဂုတ်လ ၂၂ ရက်က သျှမ်းပြည်တောင်ပိုင်း မိုင်းရှူးမြို့နယ် အတွင်းမှာ အစိုးရတပ်မတော် လှုပ်ရှားစစ်ကြောင်း နဲ့ သျှမ်းပြည်တပ်မတော် SSPP/SSA တို့ ကြား တိုက်ပွဲ ဖြစ်ပွားခဲ့ပါတယ်။

“ဘာ့ကြောင့်တိုက်ပွဲ ဖြစ်ပွားရတာလဲ” – လို့ ဒေသ အတွင်း တပ်မှူးကို မေးကြည့်ရာမှာ – သူက – “ ဘာ့ကြောင့်ဖြစ်လဲ ဆိုတာ ကျနော်တော့မသိဘူး။ အထက်အမိန့် က ကျနော်တို့ကို တပ်စခန်းတွေ ကို သွားမတိုက်ရဘူး၊ ကျနော်တို့ တပ်စခန်းနား တက်လာရင်တော့ မဆိုင်းမတွ တုန့်ပြန် ကာကွယ် တိုက်ခိုက်ရ မယ်လို့ ပြောထားတယ် – လို့ ပြောပြပါတယ်။

အရာရှိတဦးကလဲ – “ ဒီအချိန်ဆို အစိုးရ တပ်မတော် က အမြဲတမ်း တိုက်ပွဲလာရောက်ဆင်နွှဲတယ်။ မိုင်းရှူးမှာ တိုက်ပွဲ စဖြစ်တော့ ကျနော်တို့က ဒီနှစ်လဲ အစိုးရ တပ် ကနေ စစ်ပွဲ စတင် ဆင်နွှဲပြီလို့တောင် ယူဆတယ်။ ရခိုင် ပြည်နယ်က အရေးကြောင့် ကျနော်တို့ ဘက် ဆင်နွှဲမဲ့ တိုက်ပွဲက အားနည်းသွားတာ။ အရင်နှစ်တွေ တုန်းက ဒီအချိန်ဆို ကျနော်တို့ ကို တလမ်း မဟုတ် တလမ်း ကနေ တပ်တွေ၊ စခန်းတွေ ရွှေ့ခိုင်းပြီး တိုက်ပွဲ လာရောက် ဆင်နွှဲနေပြီ။ ဒီနှစ်တော့ မဖြစ်သေးဘူး – လို့ပြောပါတယ်။

ယခု ရခိုင်ပြည်နယ်အရေးကိစ္စ ဆိတ်ငြိမ်လာလို့ – သျှမ်းပြည်၊ ကချင်ပြည်နယ်ဘက်မှာ တိုက်ပွဲ ပြန်ဖြစ် လာနိုင်ဖွယ် ရှိလာနေပြီလား ဆိုတာပါဘဲ။

ပြီးခဲ့တဲ့ အပတ်က သျှမ်းပြည်ရှိ တိုင်းစစ်ဌာနချုပ် တခု က SSPP/SSA ဆက်ဆံရေးမှူး ကို – မိုင်းရှူးမြို့ မြောက်ဘက် လွိုင်နှိုင်း – ဝမ့်လွယ် – တာ့ဝန်းနောင်း သံလွင်မြစ်ကူးတို့ဆိပ် အထိ အစိုးရ တပ်မတော် ကနေ လမ်းဖေါက်လိုက်ဖို့ SSPP/SSA ထံ အကြောင်းကြားလာပါတယ်။ အစိုးရ တပ်မတော်သားများ လမ်းဖေါက်လုပ် ရေး စီမံကိန်း အတွက် အဆိုပါ ဒေသအတွင်းရှိ SSPP/SSA တပ်များ ရုပ်သိမ်းပေးဖို့ ပြောလာပါတယ်။

“ဒီလမ်းက ကျနော်တို့ တပ်ရှိနေတယ် ဆိုတော့ ကျနော်တို့ကို ဘဲ ဖေါက်ခွင့်ပေးပါလို့ ပြန်ပြောတယ်။ ဒါကို တပ်မတော် ဘက်ကလက်မခံဘူး။ ဒီ့တော့ တပ်ထု စေလွှတ်လာရင်တော့ တိုက်ပွဲက မဖြစ်မနေ ခုခံဆင်နွှဲရမှာဘဲ၊ အခုတော့ ငြိမ်နေသေးတယ် မလာသေးဘူး” – ဟု တပ်စခန်း တာဝန်ကျ တပ်မှူးတ ဦးကလဲ ပြောပါတယ်။

ဩဂုတ်လ အတွင်းက လားရှိုးမြို့ အနောက်ဘက် အီနိုင်းကျေးရွာ အတွင်း အစိုးရ တပ်မတော် စစ် ကြောင်းက ကျေးရွာအတွင်း နမ္မတူ – လားရှိုး ကြားသွားလာတဲ့ ခရီးသွားတွေကို ဟန့်တား စစ်ဆေး ရာမှာ ပစ်ခတ်မှု ဖြစ်ပွားခဲ့ပါတယ်။ အဆိုပါ ကိစ္စနဲ့ ပတ်သက်ပြီး အောက်တိုဘာ လဆန်းပိုင်း က အမှတ် ၃ အမျိုးသားလွှတ်တော် အမတ် စိုင်းဝမ်းလှိုင်းခမ်းရဲ့ ကြယ်ပွင့်ပြမေးခွန်းကို လွှတ်တော် အတွင်း မေးမြန်းခဲ့ပါတယ်။

တပ်မတော် ဘက်မှ ဖြေကြားချက် တွင် – သျှမ်းပြည်တိုးတက်ရေးပါတီ/သျှမ်းပြည်တပ်မတော် ကို သောင်းကျန်းသူ အဖြစ် စွပ်စွဲထားပါတယ်။

သတိထားမိ စရာက အစိုးရ တပ်မတော် ထိန်းချုပ် နိုင်တဲ့မြို့နယ် အတွင်း သွားလာလှုပ်ရှားတဲ့ တိုင်းရင်းသား လက်နက်ကိုင်တပ်ဖွဲ့တိုင်း သောင်းကျန်းသူ အဖြစ် သတ်မှတ်ခံရတာပါ။ တိုက်ပွဲ ဖြစ်ပွားတာလဲ အများအားဖြင့် အဲဒီ့နယ်မြေတွေပါ။

အစိုးရ တပ်မတော် မထိန်းချုပ်နိုင်တဲ့ ဝ ပြည်သွေးစည်းညီညွှတ်ရေးတပ်မတော် ထိန်းချုပ်နယ်မြေ ၄ မြို့နယ်၊ မိုင်းလား ၁ မြို့နယ် မှာ တိုက်ပွဲ လဲ မဖြစ်ပွားပါဘူး။ တကယ်လို့ အစိုးရ တပ်မတော် မှ အင်အား သုံးပြီး ၎င်းတို့ကို သွားရောက်တိုက်ခိုက်မယ် ဆိုရင် ၎င်းတို့လည်းသောင်းကျန်းသူ တခါတည်း ဖြစ်သွားမှာဖြစ်ပါတယ်။

လက်ရှိ အဲဒီ့နယ်မြေကို အဲဒီ့ တိုင်းရင်းသား လက်နက်ကိုင်တပ်ဖွဲ့က ထိန်းချုပ်ထားလို့ မြန်မာပြည် မြို့ကြီးတွေလို တိုက်တွေ၊ ဟိုတယ်ကြီးတွေနဲ့ စည်းကားနေပါတယ်။ ၀ ဌာနချုပ် တည်ရှိရာ ပန်ဆန်း မြို့မှာ ဆိုရင် မြန်မာပြည်တစ်ပြည်လုံးထက်မြင့်မား၊ ခန်းနားတဲ့ ၄၅ ထပ်ရှိ တိုက်ကြီး တောင် တည် ဆောက်နေပါတယ်။

ဒေသခံတွေလဲ ငြိမ်းငြိမ်းချမ်းချမ်း သွားလာနေထိုင် လုပ်ကိုင် စားသောက်နိုင်ပါတယ်။ သျှမ်းပြည် မြောက်ပိုင်းနဲ့ တခြားစီပါဘဲ။ မြန်မာစာပေ မဝင်ဆန့်နိုင်ပေမယ့် တရုတ်ပြည်၊ ဟောင်ကောင်၊ စင်္ကာပူ နိုင်ငံသို့ ဆက်လက်သင်ကြားနိုင်တဲ့ တရုတ်ဘာသာစာပေ အဓိကထား သင်တန်းကျောင်းကြီးတွေလဲ ဖွင့်လှစ်သင်ကြား နေတာတွေ့ရပါတယ်။ သူတို့ ဒေသမှာ အစိုးရတပ်မတော် မရောက်ရှိသေးလို့ ငြိမ်းချမ်းနေတယ် လို့ပြောရင်မှားမယ်မထင်ပါဘူး ။

ဒါ့ကြောင့် တိုင်းရင်းသားဒေသ တွေမှာ အစိုးရတပ်မတော် အနေနဲ့ တိုက်ပွဲတွေ ဆင်နွှဲနေမယ့် အစား အဘက်ဘက် လက်ခံနိုင်မယ့် ငြိမ်းချမ်းရေးစကားတွေ ပြောဆိုဆွေးနွေးကြပါ။ ဖွံ့ဖြိုးတိုးတက်တဲ့ ဖက်ဒ ရယ် ဒီမိုကရေစီ ပြည်ထောင်စုကြီး နဲ့ လိုက်ဖက်တဲ့ တိုင်းရင်းသားစည်းလုံးညီညွှတ်ရေး ကို အပြောနဲ့ မဟုတ်ဘဲ လက်တွေ့ တည်ဆောက်နိုင်ကြပါစေ။

လူထုပေးတဲ့ ဆန္ဒမဲ နဲ့ အစိုးရဖြစ်လာတဲ့ လက်ရှိအစိုးရကလည်း လူမျိုးပေါင်းစုံနေထိုင်တဲ့ ပြည်ထောင်စုကြီးမှာ တရားမျှမျှတတ နဲ့ အဆုံးအဖြတ်ပေးနိုင်တဲ့ ပြည်ထောင်စုဒိုင်လူကြီး ဖြစ်ပါစေ။

SHARE

LEAVE A REPLY

Please enter your comment!
Please enter your name here