ကျေးလက်လူထုကို စစ်ဆေး၊ ရိုက်နှက်၊ ပိုက်ဆံကောက်ယူတဲ့ သျှမ်းပြည်အရှေ့ပိုင်းက မိုင်းခတ် – မိုင်းနုံး – မိုင်းကာကြား ဂိတ်စခန်း အမြန်ဆုံး ဖြုတ်ပေးသိမ်းပေးပါရန် တောင်းခံခြင်း

0

မင်္ဂလာပါရှင်

ကျမဟာ မိုင်းနုံး ကျေးလက်ဒေသခံ သား သမီး ၅ ယောက် မိခင်တဦးဖြစ်ပါတယ်။ မိုင်းနုံး ဆိုတာ ကတော့ မိုင်းခတ်မြို့ အနောက် – မြောက်ဘက် မိုင် ၂၀ လောက် ဝေးတဲ့ ကျေးရွာလေးတခု ဖြစ်ပါတယ်။

လက်ရှိမှာ အ စိုးရ တပ်မတော်က မိုင်းနုံး နဲ့ မိုင်းကာ ကြား ဂိတ်စခန်း ထောင်ပြီး ကျမ တို့ ကျေးလက် လူထု ထံ ပိုက်ဆံ ကောက်ယူနေပါတယ်။ ဂိတ်စခန်းက တခုတင်မဟုတ်ဘဲ ၁၂ မိုင်လောက် ဝေး တဲ့ ခရီး ကို ဂိတ် နှစ်ခု ထောင်ထားပါတယ်။ မိုင်းနုံးအထွက် နမ့်ပုံဂိတ် နဲ့ နမ့်မွဲအားခါဂိတ် ဖြစ်ပါတယ်။ မိုင်းခတ်မြို့မှာ လာရောက် နေထိုင် တဲ့ အစိုးရ တပ်မတော်ကနေ ဂိတ်စခန်းလာထောင်ပြီး ပိုက်ဆံကောက် ယူနေတာပါ။

ဆိုင်ကယ် တစီး ၁၀၀၀ ကျပ် ၊ ကားတစီး ၅၀၀၀ ကျပ်နှုန်း နဲ့ ဒေသ အတွင်း ခရီးသွားလူထု ထံ ကောက်ယူနေတဲ့ အတွက်ြဖတ်သန်းသွားလာတိုင်း ပိုက်ဆံ ပေးနေရ တဲ့ အပြင် ဗမာစကားမပြောတတ် တဲ့ ကျမ တို့ ရွာသူ ရွာသား တွေ အနေနဲ့ အရမ်းကို အခက်အခဲ ဖြစ်နေပါတယ်။

ပြီးခဲ့ တဲ့ ၃-၄ ရက် (မတ် ၆ ရက်) က ကျမတို့ရွာက စိုင်းယီ ဆိုတဲ့သူက ကိုယ်ကပ် ပိုက်ဆံမရှိပါဘူး။ မိုင်းကာ မှာ ခြံထွက် သီးနှံလေး သွားရောင်းဖို့ သွားပါတယ်။ ဗိုလ်ကြီးစည်သူ ဆိုတဲ့ နမ့်မွဲအားခါဂိတ် စောင့် ဗမာတပ်စစ်ဗိုလ်က စစ်ဆေးမေးမြန်းတယ်။ စကားမပေါက်လို့ ရိုက်နှက်ထိုးကြိတ်တာ မိုင်းခတ် ဆေးရုံကို ပို့ဆောင် ကုသ လိုက်ရပါတယ်။

အခု ဒေသခံ တွေ ခရီး မသွားရဲလောက်အောင် ဖြစ်နေပါတယ်။ တဘက်ကလဲ ဒီအချိန် မိုင်းနုံး တပေါင်းဘုရားပွဲ တော် ဖြစ်နေတဲ့ ဒေသအတွင်းရှိတဲ့ကျေးလက်ရွာသူ ရွာသားတွေအတွက် ဓါတ်တော်မွေတော်ဘုရား အလှူအဒါန်း သွားလာဖို့ ခက်ခဲနေပါတယ်ရှင်။ ကျမတို့တွေဟာ အိမ်တွင်းမှုန့်လေးတွေ လုပ်ပြီး ဘုရားပွဲမှာ ဝင်ငွေ ရအောင် သွားရောင်းရပါတယ်။

အခု လို စစ်သားတွေ ဂိတ်နှစ်ခုသုံးခု ထောင်ပြီး ပိုက်ဆံကောက်ယူနေ တာမသင့်တော်ဘူးလို့ မြင်မိတဲ့ အတွက် ဒီဂိတ်စခန်းတွေ အမြန်ဆုံး ဖြုတ်သိမ်းပေးပါရန် တာဝန်ရှိလူကြီးမင်းများထံ တောင်းခံအပ် ပါတယ်ရှင်။

လေးစားစွာဖြင့်
မိုင်းနုံးဒေသခံ ၊ နန်းအွေ့ကျိန်ခမ်း

SHARE

LEAVE A REPLY

Please enter your comment!
Please enter your name here